Var. Et de tirer aux champs seulement Je

Tirer : Aller.

LE TRAINEAU.

Ne se levé aussi tost, et que d'un vol hagard Fuie si loing de moy que j'en perde ma part.

Mon dessein n'est en vain; car, comme je désire, £n ayant choisi sept en troupe, je les tire.

Des sept j'en frappe trois; le reste dedans l'aer Espouvanté du coup se haste de voler.

De là je tourne ailleurs par la blanche campaigne, Où ayant faict meint tour la forest je regaigne, Ores trouvant le train d'un chevreuil montagneux, Or d'un cerf de dix cors, or d'un sanglier hideux. Ores je voy de loing une harde craintive, Qui voyant tout blanchir n'ose quitter la rive. Je cerche les moyens afin de l'approcher; Mais pour cela je n'ay que faire de cercher ; Car, se tenant au guet, tousjours, tousjours escoute, Et, pour le nouveau temps, où qu'elle aille est en doute.

Toute beste est ainsi, quand, tout estant couvert De neige, on ne void rien qui plus paroisse verd; Car ils ont bien l'esprit de penser qu'à telle heure L'œuil descouvre de loing. Lors ils font leur demeure Au plus creux des forests, et n'allans que de nuict Le jour fuient le clair, la tempeste et le bruict.

En temps de neige, bestes fanlTes ny noires ne sortent gueres de leur fort

93,Var. Elle ne parte point, et