Reclame : Implore

Pour la perdre inutile aux cavernes des bois,

Et n'en donner plaisir qu'à l'echo, qui redonne

Le mesme son du son de tout ce qui resonne. 7^0

Ayant là quelque temps escouté sa chanson, Il achevé son tour, revient à la maison.

Trouve desja Cathin qui dresse son potage.

Et ses filles qui ont achevé le mesnage.

En son metz, le premier, il a son plat de choux 763

Cuits avecques du lard ny salé ny trop doux; Pour son service il a le pan de costelette, Et pour son dernier metz la petite galette.

Si c'est au temps d'esté, toutes sortes de fruicts Ne luy sont espargnez, venans de l'arbre ou cuicts. 770

Si pour les survenans leur viande est faillie, Ils mangent pour tous metz la pasteuse bouillie; Que si les poix sont meurs ou les febves, ils font Espargne d'autres metz; s'en passent, s'ils n'en ont; Faisans, par ce moyen, fort légère despence, 775

Et vivans toutesfois avecques suffisance.

Les festes que l'on chomme, après avoir prié Le puissant Dieu, sans qui rien n'est approprié Ny bien mis en effect, chantant il s'achemine, Pour passer la vesprée, à la maison voisine 78o

Ou avecq un compère, avecq lequel il faict

765. En ton metz, le premier.,. : Pour son premier mets, pour entrée...