Les quatre : Les quatre ailes du moulin

Puis quatre tour à tour vers le ciel se hausser. Celle-cy vient à bas, puis monte de vistesse, Une autre suit après pendant qu'une autre baisse, Et vient de tel effort qu'il n'est si hazardeux, Ne si viste coureur qui passe entre les deux.

Ny plus ny moins l'oiseau, qui ne cède en vistesse Au vent ny à l'esclair, fondant et bat et presse Le milan estourdi, qui, les serres en hault, Tasche à tuer celuy qui plus rude l'assault.

Tour à tour dans le ciel la troupe se reporte Après leur ennemi, qui monte en telle sorte, Qu'il semble à qui les void (tant ils se portent hauts) Qu'aloettes ce soient ou bien petits moyneaux. L'œuil demeure attentif, et ne sçaît-on des quatre Qui faict mieux le devoir; on les void bien combattre. Mais on ne peut juger dans le profond des cieux Lequel vole plus haut, ou lequel faict le mieux.

Tousjours dedans le ciel et dans le vent se porte Le milan ravisseur d'une aesle encores forte ; Au gallop et à l'œuil on suit dessous le vent Où se faict le combat. Rambure va devant.

Qui void les quatre oiseaux si hauts dedans la'nuë Qu'à peine les peut voir la plus subtile veuë.

Le milan^estant pressé des oiseaux, se tourne les serres en hault pour se deffendre.

Les oiseaux à perte de veud.

n. vab.