Ne sçait que plus... : Ne sait plus ce que

Se lance dedans l'eau la malheureuse beste, Qui, tombant en celuy, pour fuir l'autre danger, Entre les six basteaux prend peine de nager; Mais lasse de courir ne sçauroit pas à nage Si long-temps que le loup retarder son dommage; Car à peine on la void à quinze pas du bord, Qu'elle reçoit de tous maint coup après sa mort.

Ayans heureusement mis à fin l'entreprise Faicte tout à Tinstant, nous chargeons nostre prise, Et pour autant qu'il est desja plus que mi-jour. Montons pleins d'appétit vers le hault de Beau-jour, Où, sans beaucoup muser et sans cerimonie, Nous plaçons à l'entour de la table garnie.

Gaillards nous devisons parmy nostre repas Des assaults, du plaisir, du sault de Beaurepas, oo

De qui a mieux frappé, du plaisant tintamarre Et de l'invention de ceste chasse rare;