Var. rencontrer à ma mam

(Bien qu'en fort bon pays) rien qui m'apporte joye.

Or estant prés d'Ivor, dans un bled sarrasin, Je voy, le long du boys, maint et maint marcassin Par la laye menés, qui ja desja doubteuse Bransloit pour regaigner la forest ombrageuse ; Lors loing je me retire, et, pour la rasseurer, Mon homme à deux cents pas je fais là demeurer, Luy chargeant qu'aussi tost qu'il verra qu'en la taille Je seray bien avant, niaisant, il ne faille A se monstrer à elle et qu'il se garde bien De trop l'espouvanter, à fin que le moyen J'aye de la mirer; elle ira d'asseurance, D'autant qu'à l'autre embusche encore elle ne pense. J'ente le tire-plomb dedans l'encrouë, à fin De recharger dequoy tirer au marcassin.

Or estant à l'endroit où je mescroy la beste Devoir entrer au boys, à tirer je m'appreste ; Je fais signe à mon homme ; alors à moy venant, La mère et les petits droict il va m'amenant.

Moyen d*approcher un sanglier qui est en doubte.