Ou tu prétends : Auquel tu aspires

J'ay quelquesfois esté chetîf en ma maison,

Laissant là mes troupeaux sans garde par la plaine ; ^

Pour enfler mes pipeaux je n'avois plus d'aleine ;

Moisis en quelque coing j'avois mes chalumeaux,

Ma houlette esgarée; aussi les pastoureaux,

Qui hantent les quartiers de ce moite rivage,

N'oyoient plus mes fredons accorder au ramage ^

Des oyselets voisins. Bref, je n'avois soucy,

Pour trop estre amoureux, de ces moutons icy.

Lors Loïse m'aymoit, et lors j'aymois Loïse;

Mais, depuis que j'eus veu Jeannette, je t'advise

Que j'en fus au mourir; qui, blonde comme l'or, 45

Avoit un beau tetin qui pommeloit encor.

Ainsi l'autre j'oublie, et, d'un amour estrange

Frappé, je ne cessois de chanter sa louange.

Ores que celle-cy ne t'ayme nullement,