Yar. Peut-estre mon amour se

Me fuit ny plus ny moins s'elle voioit la mort.

Las! (dis-je) que fuis-tu? Ainsi fuit la brebis, 75

Quand elle a veu le loup par les pasteux herbis ;

Tout ainsi le poulet, lorsque du ciel descendre

Il void le glout milan qui vient pour le surprendre ;

Devant le tigre ainsi, par le profond des bois,

Fuit le craintif chevreuil ; ainsi devant la voix, »

Le lièvre au pied léger, de la meute suivante ;

Ainsi devant l'autour, legierement volante,

La colombe simplette. Helas! mais quel esmoy

Te pousse et t'esperonne à courir devant moy?

Las! te suis-je ennemi? Retien tes pas, bergiere! «

Quelque serpent caché dedans ceste feugiere

Te pourroit bien piquer, ores que sans souliers

Vas d'un si viste pied, ou bien par ces haliers

Tu pourrois rencontrer, bergiere desdaigneuse,

Qui t'offense le pied quelque espine fascheuse ; »

Et moy, si de ton mal cause je me sentois.

Aussi tost quelque part pendre je m'en irois.