Entre : Entre dans la coulée du terrier

Confusion pour Vardeur et courage des chiens.

Sur le collet enflé de la beste, qui pense Que sa peau dure soît assez pour sa défense t Les autres chiens tandis, et puissans et ardans, S'efforcent qui, premier, gagnera le dedans; Ils empeschent l'un l'autre, et seulement la beste A ceux qui sont dedans s'amuse à faire teste. On cuide ce-pendant les retirer de là ; Mais peu ou rien pluslost ne profite cela, Car ils rentrent tousjours ; or la meute acharnée Opiniastrement sur la beste estonnée Tousjours sa pointe suit; en fin je voy Mirault Qui le tient au collet, les deux jambes au hault. Il ne peult le tirer, ains^en vain s'y efforce. Car, ainsi qu'il estoit, il n'avoit point de force.

Le blereau se défend, et ne peult toutesfois Nuire aux chiens de dessus, lesquels souventesfois L'attachent par le dos; là se void double guerre, L'une se faict dessus et l'autre dessous terre, Et l'assailli, qui ja void l'ennemy dedans L'aboyer teste-à-teste et luy monstrer les dents, Résiste à son pouvoir, et de dent dangereuse Le poursuit quçlquesfois dedans la mine creuse.

Des tenailles en fin l'on prend, et de bras fors