CHAPITRE LXXXVII

Comment li rois d'Engleterre fit gaster et ardoir le païs de Tiérasse.

Le roi d'Engleterre estant à Behories , li avant-garde estoit logié oultre le roi une grande lieue. Si s'en vinrent à Guise, et là en celle cevauchie estoient messires Jehans de Hainnau , li sires de Fauquemont , li sires de Quq et messires Ernouls de Baquehem. Pour lors la ville de Guise, réservé le chastiel, n'estoit fermée que de palis et de bailles, et se confioient chil de la ville sus lor dame la contesse de Blois pour tant que elle estoit fille à messire Jehan de Hainnau que il ne deuissent point estre assalli,

' Lesquielles, à une lieue nord de Guise. 2 Batus, fatigués.

mais si furent; car quant chil de l'avant-garde et li chevalier desus nommé furent venu devant les barrières, il missent tout piet à terre et prissent les lances et s'en vinrent asallir à ceuls qui as barrières estoient et tantos furent conquisses, car la force des deffendans n'estoit point parelle as asallans, et toutes fois il s'i portèrent assés bien et se retraïssent petit à petit dedens le fort et ne prissent point trop grant damage. Tant que de lors hommes, femmes, enfans et tous lors meubles, il avoienttout retrait ou fort, et tout le bestail cachiet oultre viers Saint-Goubain et en la terre de Couchi. La contesse de Blois entendi que son signeur de père estoit en celle cevauchie : si quida trop bien besongnier, et que pour l'amour de li son père deuist respiter de non ardoir la ville de Guise. Si descendi aval dou chastiel et vint à la première porte et fist tant par pryères et par paroles que messires Jehans de Hainnau son père vint parler à lui, et li demanda tout ireusement : « Que voés-tu, monsigneur, que ceste ville soit déportée « de non estre arse? cela poés-vous bien faire, et tout « pour l'amour de moi qui sui vostre fille. » — « Et pour ce « que tu es ma fille, respondi messires Jehans de Hain- « nau, sera-elle arse, et remonte là sus oudongeon que la « fumière ne te face mal. » La contesse de Blois n'en pot aultre cose avoir, car la ville de Guise fu arse. D'autre part li évesques de Lincolle et li marescal d'Engleterre et messires Gantiers de Mauni à bien cinq cens lances, entrues que li rois d'Engleterre estoit à Behories, cevauchièrent oultre viers Venduel et ardirent Clari, sus la rivière d'Oise, Moy, Venduel, le Fère et un grant mont de villages là environ, et la ville de Saint-Goubain, mais au chastiel ne portèrent-il nul damage, et s'en vinrent corir jusques à Vaus desous Laon, et l' ardirent et Bruières, car

pour lors il ni avoit nulle fermeté ' et s'en retournèrent par Cresci-sus-Sole ' et l'ardirent et le Pont-au-Nouvion et tous les hameaus de là environ, et la ville de Marie ; et 11 rois d'Engleterre et toute li hoos, celle cevauchie faisant, se départireiit de Waudaincourt et de Behories et de l'Esquelle et s'en vinrent viers Fémi-l'Abéie * et viers la Capielle en la Tiérasse et la Flamengerie, et li rois de France se départi de Saint-Quentin à toutes ses hoos et avoit plus de cent mille hommes et metoit grande entente que il peuist trouver les Englois, car il les voloit combatre. Là vint deviers le dit roi de France li jones contes de Hainnau, son neveu, à bien cinq cens lances de Hainnuiers et de HoUandois pour servir son oncle, car il estoit mandés, mais quant il fu venus et il se représenta, on ne li fîst pas si bonne, ne si belle requelloite, ce fu avis à lui et à ceuls de son consel, que on li deuist avoir fait. Si s'en mérancolia et la cause estoit pour tant que il avoit requelliet le roi d'Engleterre et les Englois en son païs et les avoit servis devant Cambrai. Une route d'Alemans desquels li sires de Fauquemont estoit chiefs et conduisiriers, chevauchièrent devant hors de l'avant-garde, car il ne trouvoient nului qui lor contredesist lor cemin et vinrent sus un village que on apelle Irton* et le pillièrent et ardirent, et puis Bonwés' et cevauchièrent oultre jusques au Louvion en Tiérasse, car on lor avoit dit que il i avoit un gros village et rice, liquel estoit hiretages au conte de Blois. Quant il furent venu jusques à là, il ne trouvièrent à qui parler, car toutes gens estoient retrait en la haie dou

» Fermeté, défense, fortification.

* Crécy, à quatre lieues nord de Laon.

" L'Echelle et Fémy, villages entre Vorvins et Landrocies.

2 Iron ou Herson (arrondissement do Yervins)?

' Beaumetz?

ii>70 CHRONIQUES

Louvion et avoient là mené à sauveté, et copé et hayet le bois de tel manière que on ne pooit venir à euls fors à grant malaise, mais quoique il se fuissent ensi fortefyet, pour ce ne se abstinrent pas les Alemans que il ne les alaissent veoir, ensi que gens convoiteus qui sont tousjours enclin au gaagnier. Messires Ernouls de Baquebem et sa route avoient chevauchiet d'un aultre lés. Si trouvèrent le signeur de Fauquemont et ses gens en la ville dou Louvion qui mengeoient et buvoient, car des vins et des pourvéances il avoient trouvé assés, siques par acord il dissent que il iroient ens ou bois et escarmuceroient cbeuls qui i estoient retrait et lor tolroient ce que il i avoient porté. Tant fissent que il trouvèrent le trace et vinrent jusques à euls et costyèrent tant le bois bayet et abatu, que il trouvèrent la voie par quoi il vinrent à euls. Quant il furent là venu, il asallirent ces hommes dou Louvion qui se missent à deffense tant que il porent, mais plenté ne fu-ce pas. Si en i ot biaucop de navrés et de bléciés et s'enfuirent et s'espardirent parmi le bois, li uns chà et li aultres là. Chil Alemant ne les poursievirent point plenté, mais prisent et troussèrent tout ce de bon que dou lour il trouvèrent , et retournèrent arrière et poursievirent l'oost le roi d'Engleterre qui estoit logiés à la Flamengerie.