Isabeau de Saint- Phal

POURSUITE DE l'iNSTRUCTION SÉCULIÈRE

de luy et des siens ; et ce sera prouvé par ceus qui hont heu a gouverner la terre de Champaingne puis que le dit evesque en fu mis hors, et par la dame de Parcgni, et par messire Loys, son fîlz, et par pluseurs bourgois de Sésane % de qui je ^ ne sai pas a présent les nons.

[5°] Item, que tout le cours de sa vie il ha esté soudomite, et, pour soi couvrir de son pechié, il ha touz jourz maintenu une amie ; et ce sera prouvé par Symon Machan, chanoine de Saint Estiene de Troyes, le quel li a maintenu grant pièce, et par mestre Gille, fillastre Guiot Ghipré, le quel il ha maintenu jucques au jour que il fu pris, et par messire Guillaume Pastourel, par Pierre de Villy ^ et par pluseurs autres de son hostel, et par Aignelin de Senne la Vielle,

[6"] Item, que il ha un tabellion qui demeure avecques li, qui a non Jehan Patriarche''', auquel il ha fait faire pluseurs faux instrumenz, li quel hont esté en grant diffamement du roy et de madame la royne, que Dex absoille ; et ce sera prouvé par un instrument que le dit evesque fist faire au dit tabellion, lequel est faus ; et Ta devers luy Tarchedyacre de Vandosme ^ ; et par celui pourroiz trouver que il en ha fait assez d'autres.

[7°] Item, il sera trouvé que il est parjures par pluseurs foiz ; et ce sera prouvé par Farchedyacre de Vandosme, et par messire Enguerran de Marregny, par dame Marie la petite, qui demeure avecques la contesse de Bourgoingne ^, et par l'abbé de Monstier la Celle, et par la greigneur partie des chanoines de Troyes.

[8°] Item, il sera trouvé que, ou temps que il esloit prieur de Saint Ayoul de Prouvins et que la ville de Prouvins fu en grant riote pour le fait de Guillaume Penthecouste de Prouvins, li bourgois widierent leur maisons et mistrent touz leur biens a garant dedanz la maison de Saint Ayoul, pour ce que il ne fussent degasté ; et tantost l'evesque les envoia ailleurs en sa force et sa sauve garde, et n'en sorent les diz bourgois noiant; et après ne demora guaires il : par son grant malice il fist meitre le feu en la dite prieurté de Saint Ayoul, a celle fin que il heust achoison de dire et soi couvrir que les diz biens que il havoit