N° XXIII

1590, mars 18 — Fontenay-le-Comte.

Lettre du cardinal de Bourbon a Louis de Gonzague, duc de Nevers. *

Bibl. Nat., f. fr., ms. 3978, f" 221, autographe.

Le cardinal espère qu'on lai rendra la liberté et s'attriste des malheurs qui assaillent le royaume.

A Monsieur, Monsieur le duc de Nivernoys.

Monsieur mon nepveu, j'eus beaucoup de plaisir d'entendre de vos nouvelles et de ma niepce par ce mieu lacquès venant d'Avignon, qui m'assura vousavoyr veus en bonne santé quant il passa par Desise1, et la réception que je feis hier des lettres qu'il vous a pieu m'escripre du xxxm* janvyer m'en ont ogmanté la joye et apporté grande consolation pour voyr par icelles la continuation de vostre amityé, dont j'ay tousjours prins une entière assurance. Àussy ne la départirés- \ous jamais à personne qui la trove plus chère et vous honore plus que moy, ne fesant point de doubte que, ci vous pouvés quelque chose pour l'advancement de ma liberté, vous ne vous y employés celon vostre accoustumée bonne volonté en mon endret, qui me rend d'otant plus vostre obligé, outre que je me promets bien qu'en quelque lieu que vous soyés vous me ferés tousjours les bons offices de bon parant et amy que je puys attendre de vous, celon les occasions qui ce présanteront et la congnoissance que je pance vous pouvés avoyr de mes sincères intantions. Je ne congnois point Foumeaulx qui m'a envoyé vos lettres età qui vous m'escrivés avoyr dit quelque chose. Bien me souvient-il l'avoyr veu une foys, il y a quatre ou cinq moys, et me dist estre à monsieur de Maillesais2, de qui il me fit des recommandations; et, sur la prière que quelques gentilshomes qui sont de ma garde me feirent, je luy donnay ung passeport. Je déplore avecq vous les malheurs que les divisions apportent en ce pauvre réaulme, lequel je supplye nostre bon Dieu vouloyr regarder de son œil de pitié et de miséricorde, et nousdoner quelque bon repos à son honneur et gloire et soulagement de tout