LEO PP. XIII

Dilecte Fili, Salutem et Apostolicam Beiiedictionem. Du m non sine acerbo animi mœrore et horrore spectare cogimur infanda satanici prorsus odii perditorum pectoribus ingesti a portis inferi adversus amantissimum Salvatorem nostrum et dulcissimam ejus Matrem, Dilecte Fili, acceptissimum plane Nobis obvenit oblatum a te volumen, quo tu, veluti significas in epistola tua, delitescentes caritatis in Jesu Corde thesauros reserare studuisti, et eos cum Virgine Matre sic communicatos ostendere, ut per eam omnia nobis obvenire voluerit bénéficia infinito sanguinis sui pretio qusesita. Quod sane si pio grato acfidente animo jugiter a fidelibus recoli oporteret, nunc certe vel maxime opportunum fit ac necessarium, cum atrocioribus passim injuriis impudentissime Cœlum impetitur, et dum tristissimus temporis apparatus et animorum trepidatio studiosiorem auxilii superni implorationem, et vividiorem exposcunt fiduciam. Dum itaque gratulamur, te per recentem lucubrationem tuam novos addere stimulos curasse peculiari cultui Domina? Nostrie a Sacro Corde, jam per Congregationem tuam latissime propagato ; ultro obsecundantes voto egregii Burgensis Archiepiscopi et tuo, piissimo illi cultui ulteriora semper precamur incrementa ; Deumque rogamus, ut benedictionibus suis cnmalare velit,

tum sociales uni versos qui variis in orbis regionibus nomen dederunt ejusdem cultus exercitio, tum praesertim Missionarios a Sacro Corde, qui illum propagarunt, tum diversas eorum missiones, tum cœtera eorum opéra, et eas potissimum curas, quas adhibent augendo rarescenti Clero, Confirmet vota Nostra Deus; et favoris ejus sit auspex Apostolica Benedictio, quam paternse Nostrse benevolentise testem tibi, Dilecte Fili, totique Congregationi Tua± ejusque piis cœptis peramanter impertimus.

Datum Romae apud S. Petrum, 22 Septembris 1<S^4, Pontificatus Nostri anno septimo.