Le mardi, errasmcs pareillement tout le jour
224. Item, le mercredi ensuivant, .xvij'. jour de novembre*, alasmes oultre jusques a heure de midi que noijs repeusmes sur une belle fonteine et noble que Ten appelle la « fonteine de Moyse », laquelle fonteine a esté tout novellement moult noblement enmurée et faicte par la manière que les fonteines du pays sont faictes, tant pour y prendre eaue pour boire que pour habreuver \:hamoîx, asnes et aultres bestes ; et est chose de moult grand coust a faire, pour cause que c'est moult loing d'Egipte ^.
225. Et la cause pourquoy Ten appelle ceste fonteine la « fonteine Moyse », si est que vous savez que TEscrîpture tesmoigne que au temps de Moïse, qui estoit ebrieu, il avoit en Egipte moult grant peuple d'Ebrîeux'*, qui estoient descenduz de Jacob et de Joseph qui fut vendus par ses frères et qui ot si grant povoîr en Egipte au temps du roy Pharaon, roy d'Egipte , par lequel conseil de Joseph le roy Pharaon fist faire a son temps iceulx nobles gregniers que l'en dît les « gregniers Pharaon » , dont nous parlerons cy apprès en Babiloine ^. Ce peuple Il dont nous parlons estoit, pour le temps de Moïse, moult oppressé de servitutes en Egipte. Moyse et Aaron son frère estoient les plus apparans de tous les Ebrieux, c'est assavoir des Juifz. A cellui Moyse manda Nostre Seigneur par son ange qu'il gettast icellui peuple d'Egipte, et qu'il les meniast trois journées avant. Ainsi fut fait par Moyse comme Nostre Seigneur lui commanda, car il les gecta tous d'Egipte a une fois et estoient .vj*'. mil hommes sans les femmes et les petis enfans. Quant Moyse ot mené ce grunt peuple trois jojurs avant, sy vindrent a celle Rouge mer et ne porent plus passer avant ; ainsi ne porent ilz
i, Cel n'est pas reproduit dans 3/.— 2. Nos deux manuscrits donnent le quantième erroné .xvj«. jour.— 3. Ce dernier membre de phrase manque dans M.— 4. Addition de M : Hebrius, c'est a issavoîr Juif, lesquelz depuis furent només puplede Israël. — b. Au i 24g.
aler a costiere pour les treshaultes montaignes qui encores appresent y sont ; et si ne pçrent pas legierement retourner en arrière, car ilz n'estoient pas partis d'Egipte par le bon gré du roy. Sachiés que îUec orent moult a souffrir de peîne;,lesdis Hebrieux ; car quant le roy d'Egipte, qui estoit appelle Pharaon, oyt nouvelles que les Hebrieux s'en estoient ainsi allez de son royaume , sy assembla incontinant une grant multitude de gens armez et se mîst en chemy apprès les Hebrieux. Quant Nostre Seigneur vit son peuple en si grant misère et en si grant affliction, si en ot pitié, sy commanda a Moïse ferir de sa verge sur la mer ; et tanlost que Moïse ot féru de sa verge, la mer se aouvry et y apparut ung bel et grant chemy. Adont se mistrent les Hebrieux en cedit chemy, et fîstrent aller la lignée de Juda, Taisnel filz de Jacob, tout devant atout les os de Joseph. Sy passèrent oultre les Ebrîeux saulvement par celle mer parfonde, par la voulenté de Nostre Seigneur ; et quant ilz furent tous passés, si tendirent leurs tentes pour reposer en ce lieu ou est cestedite fonteine de Moïse qui est a environ loing deux petites lieues loing de celle Rouge mer ^ Et quant le roy Pharaon vint a la mer et il vit que les Hebrieux lui estoient eschappez s'il ne se hastoit d'aller apprès, sy vit encor le chemy tout ouvert II par ou ilz estoient passés, et fery des espérons ap-y*<> 4f) prés eulx; et ses gens ainsi. Et quant ilz furent tous entrez en celle mer parfonde, par la voulenté de Nostre Seigneur elle se recloy : sy furent tous noyez sans ce qu'il en eschappast ung seul. Sy gecta la mer grant plenté des noyez devers les Hebrieux, qui armes avoient, dont ilz les despouUerent, car grant besoing en avoient. Et pour ce est appellée celle fon teine la « fonteine Moyse », car elle fut faicte a sa prière par le vouloir de Nostre Seigneur *, pour abeuvrer son peuple par plusieurs jours qu'ilz se-
I. M : environs demey lue de laidicte Roige mer. — 2. M ajoute : de lai verge dont il avoît fanduit lai marine.
56 LE SAINT VOYAGE DE JHfcRUSALEM
journeroient iUec. D'illec mena Moïse son peuple vers la saincte terre de promission *.
226. Cedit mercredi mesmes, partismes d*icelle fonteine et venismes oultre au giste. »
227; Le jeudi ensuivant, alasmes oultre tout le jour et passasmes par la fonteine du Soudan , laquelle n'est pas bonne * ; et si y a grant hauberge.
