CI APPRÊS S'ENSUIVENT LES SAINS LIEUX QUI SONT ENCLOS EN LADITE EGLISE

i3S. Premiers, dessoubz lechancelde ladicte église a une petite volte toute faicte de fin marbre et de mussica ^ qui est moult noble et riche ouvrage, espiciallement par dessus; laquelle volte est la plus gracieuse et le plus resjoissant lieu que l'en puist veoir. Illec dedans au chief, par devers orient, est la sainte et eureuse place en laquelle Nostre Seigneur Jhesu Crist fut nez f , et y a ung autel tout par dessus, sur lequel plusieurs messes haultes et basses furent célébrées tandis que nous y fusmes.

iSg. Item, tout devant ce dit autel, ung po plus bas soubz la roche, est le saint lieu ouquel Nostre Seigneur fut mis en la craiche au beuf et a l'asne , et sont encor dedans ladicte roche les chefz des clos ou les anneaulx pendoient ausquelx le beuf et l'asne estoient liez f.

140. Item, a l'issir de celle digne volte, a destre partie, tout dessus, a ung pertuis par lequel l'estoille chey qui conduisoit les trois rois quant ilz vindrent aorer Nostre Seigneur Jhesu Crist.

141. Item, tout devant cedit lieu, est la place ou les trois rois se mistrent en ordonnance pour aler offrir a Nostre Seigneur Jhesu Crist.

142. Item, au partir d'icellui lieu en allant parmy le vo chancel, a senestre \\ main, dessoubz ung petit autel, est le

saint lieu et la digne place en laquelle Nostre Seigneur Jhesu Crist fut circuncis f et mis entre les mains de

I . aorer, leçon de M, préférable a celle de P : offrir, qui n'est qu'une répétition négligente; voy, au l suivant.

saint Simeon ; et en icelle place furent une grande partie des Innocens qui par despit furent gectés en un lieu ci apprès escript, qui est moult destournés.

143. Item, en alant hors de ladicte église, a destre partie, a ung tresbeau lieu en manière de cloistre. Et en entrant en icellui lieu, a destre main, a une volte moult parfonde en laquelle est le lieu ou saint Gerosme translata la Bible d'ebrieu en grec et de grec en latin. Encor il a dedans icelle volte une autre volte a destre partie ou est le monument de saint Gerosme, lequel fut ung des quatre docteurs de sainte Eglise. Et encore y a une aultre petite volte plus parfonde tout au chef des autres, en ung lieu moult obscur et destournés, ou le roy Herode fist jecter les Tnnocens par despit.

T44. Item , a issir desdictes voltes audit cloistre , a destre partie, a une belle fonteine et bonne. Et sachiés que icelle église entièrement est ^ ou gouvernement du gardien de Jherusalem , n'y chante nulz prebstres que latins, c'est assavoir catholiques.

145. Item, au partir de ladicte église en ladicte ville de Bethléem, a destre main, a une église de Saint Nicolas, en laquelle place la doulce vierge Marie se cacha pour traire son lait de ses dignes mamelles quant elle s'en volt fuir en Egipte. En celledicte église a un pillier de marbre auquel elle se appuyoit quand elle trayhoit son digne lait, lequel pillier sue tousjours depuis celle heure qu'elle s'i appuya; et quand on le torche, tantost reprant a suer: et par tous les lieux ou son digne lait chey et ou il fut espandu, la terre y est encore condée et blanche comme lait prins, et en prent on qui veult par devocion ^. En

î. Nous adoptons la leçon de M, en en rectifiant V orthographe. La version de P : enciennement estoit, ne peut se soutenir. — 2. M lequelz pillés, de celle heure qu'elle s'i apoiait , sue tout jour, ne jai pour chose que vous le touchés ne remanrait que tantost ne raicomance a suer. Aulsi.. . toute lai terre i est tanre et blanche comme lait et serait lout jour. Et laiant fut une neut tout anthiere ..

celle digne place fut Nostre Dame une nuit avec son cher enfant cachée, pour doubte des gens du roy Herodes. I 146. 11 Item, un pou loing de la, environ deux trais d'arc, sur le chemy de Jherusalem, est le lieu ou les anges anoncerent aux pastouriaux la Nativité Nostre Seigneur Jhesu Crist.

147. Item, a senestre partie en laissant le chemy de Jherusalem, loing de Bethléem environ deux lieues entre montagnes, en une valée, a une belle fonteine, a laquelle Nostre Dame fist le Magnificat.

148. Et a celle digne fonteine s'encontrerent la doulce vierge Marie et sainte Elizabeth : lesquelles estoient toutes deux ensainctes, et se saluèrent moult doulcement; et a celle fois fist sainte Elizabeth une partie de VAve Maria en disant : Benedictiis fructus ventris tui, etc. ^

149. Item, a la partie d'icelle fonteine en alant oultre a senestre main, environ deux traiz d'arc, est ^ la maison ou saint Zacharie, mary de sainte Elizabeth et pere de saint Jehan Baptiste, demouroit. L'entrée est moult petite, mais au demorant y a beau lieu et en assés bonne prospérité ^. Et veuilliés savoir que, a senestre partie, en entrant a la dite maison, a une petite chappellette en laquelle monseigneur saint Jehan Baptiste fut circuncis et bailiié nom.

150. Item, en ladicte chappelle, tout près de l'autel a destre main, a une roche dont l'ouverture est encor apparant dedans une frenestre, en laquelle roche les anges boutèrent et cachèrent saint Jehan Baptiste quant les tirans occioient les Innocens. Et se cloy la dite roche tant qu'ilz furent passés ; et apprès ce qu'ilz furent passés ladite roche se raouvry, et en issit saint Jehan sain et saufz ^.

151. Item, en retournant d'icelle maison et chappelle a la fonteine dessusdicte, en alant oultre vers Jherusalem,

I. Luc.j, 42. — 2. et. — 3. Les cinq derniers mots manquent dans M. — 4. M ajoute : et est encor la dite rouche en celle estait.

loing d'icelle fonteine environ deux traiz d'arc, est le lieu ou sainte Elizabeth demoroit. En celle place a une belle petite église moult ordement et moult deshonnestement tenue, en laquelle est la place ou monseigneur saint Jehan Baptiste fut nez f ^ Et est ledit saint lieu a senestre partie du cuer de ladicte église, et y met l'en du bief et gésir des bestes.

152. Item, en retournant d'iilec vers Jherusalem environ deux lieues, a ung tresbel lieu a manière d'une fort maison ; et dedans a une tresbelle |1 église habitée de religieux grecz, laquelle est appellée Saincte Croix. Sy veuilliés savoir que dessoubz le grant autel d'icelle église est la place ou l'un des fustz de la Crois crut, c'est assavoir cellui fust dont le travers ^ de la saincte et vraye Croix de Nostre Seigneur Jhesu Crist fut fait f . Et est encores le pertuis nettement gardé ouquel ledit saint arbre crut.

153. Et tout près d'iilec est le lieu ou saint Simeon le Juste demouroit, cellui qui Nostre Seigneur Jhesu Crist soustint entre ses bras au Temple, le jour de la Circuncizion, quant il dist : Nunc dîmîttis serviim tuum, Domine, etc. 2.

154. Cedit jeudi mesmes, .vij^ jour d'octobre, retournasmes au giste en Jherusalem.