SAINCTE KATHERINE
190. A Saincte Katherine a tresbelle demorance selon l'usage du pays, et est l'abbaye close de haulx murs a manière d'une fort maison. lUec dedans entrasmesle dimenche matin ^. Et sachiés que dedans ycelle abbaye a moult grant lieu et y pevent bien .iiij^. frères estre receuz et gouvernez, et y sont bien a présent environ .ij^., l'une fois plus l'autre fois moings ^, selon ce qu'ilz vont visiter leurs commandises qu'ilz ont par le monde en plusieurs lieux.
191. Dedans icelledicte abbaye a moult belle petite église, mais le lieu est moult bien ordonné et honneste et moult devost.
192. Il est vérité que dedans celledicte église est le propre corps et le chef de la vierge saincte Katherine, c'est assavoir la plus grant partie enclos dedans ung vaissel de pierre de marbre qui gist a la destre partie du grant autel ; et veismes dedans icellui vaissel son chef et les os de ses bras qui sont merveilleusement gros, selon le temps présent.
193. Il Item, tout près d'icellui vaissel de marbre, a main destre, est l'entrée d'une belle chappelie de laquelle
I . Bien que sa version soit identique à celle de P, M termine ce Ipar etc. — 2. Cette dernière phrase manque dans M,— 3. La leçon de M : et i sont aulcune foy bien demourant .ij '., semble préférable à celle de P.
l'en entre en une autre chappelle, a senestre main, qui est moult belle, et moult y a devost lieu ^ En cettedicte chappellette est le lieu moult treshonnestement tenus et ordonnez ouquel estoit le buisson que Moïse, le bon prophète, vit ardoir, et point n'estoit bruslez, dont la Saincte Escripture parle en disant : Rubum quem viderai Moïses inconbusîum, etc. ^. En cedit lieu parla Nostre Seigneur audit prophète, lui estant audit buisson , quand il lui donna la verge ^. Il sembloit a Moïse que ledit buisson ardist ; mais quant Nostre Seigneur se fut partis d'illec, Moyse trouva ledit buisson tout flory, dont il fut merveilleusement esbay. Moïse print d'icelles fleurs d'icellui buisson, et les ala espandre par aval la montagne de Sinay ; et par tous les lieux ou il les espandit elles y sont encores aujourd'uy proprement figurées, en telle manière que vous ne sauriés rompre la roche en tant de lieux, que tousjours vous n'y doyez veoir l'empraincte de la fleur si proprement figurée comme nul painctre la sauroit faire ^. C'est chose moult merveilleuse, et peult legierement estre sceu par plusieurs pèlerins qui vont illec apportans d'icelles roches, et par ce peut l'en veoir le miracle ^. Cedit buisson fut signifience de l'incarnacion Nostre Seigneur et de la virginité de la doulce vierge Marie, comme dit r Escripture. Et devez savoir que en cestui propre lieu, Nostre Seigneur dist a Moyse : Solve calciamenta tua de pedibus tuis, quia locus iste sanctus est^ ; c'est a dire :
I. M : .... a senestre, et est droiteraent dairier le grant aulteit de l'esglixe, nouvel exemple où M l'emporte sur P pour la précision topo graphique. — i. Exod., iij, 2, dont il convient de rétablir le text3 exact : Et videbat [Moyses] quod rubus arderet et non combureretur. — 3. vierge. — 4. M : si propemant que c'est une grande mervelle. — 5. Ce passage est sensiblement modifié dans M : Cest chose ouze je bien certifier; car moult de pellerin aportent et ont aporteit de celle roche, on on puet veoir i'experiens de cest miraicle. — 6. Exod., iij, 5 : S. calceamenturn de p, t.; locus enim, in quo slas, terra sancta est.
« Oste tes soulliers de tes piez, car ce lieu est saint. » Et pour ce n'y entre presbtre , pèlerin , ne aultre personne quelqu'il soit, qu'il ne soit deschaulx et nudz piez.
194. Encor en cedit lieu ou estoit ledit buisson, a une tablette d'argent et ung pertuis emmy, ouquel pertuis l'en boute son doy par devocion, et y a oille de quoy l'en se touche en faisant le signe de la croix, qui veult.
ig5. Certainement en celledicte église a moult devost lieu et bien honnestement gouverné, et beau service y font les frères selon leur usage ^
196. Item, il y a une petite chappelle qui est au dehors de l'église, qui est belle et devoste ; et sachiés que tout devant ladite église et dedans ycelle abbaye a un grant muscat de Sarrazins ^.
197. Celle abbaye de Saincte Katherine siet et est entre moult tresgrandes et treshaultes montaignes, toutes de
46 roches vives. Et tout devant ladite || abbaye a ung tresbel et grant jardin, ouquel il y a moult de manières d'arbres qui portent moult de manières de fruitz. Cedit Jardin est fait en telle manière ^ que tous les arbres par espicial y sont norris par engin et par force ; car en tous les lieux ou les arbres sont plentés, il y a mur de pierre et de terre seiche a l'entour ^. Et y a plusieurs des frères moignes de leans qui secongnoissent en courtillage^, qui sont commis et ordonnés a gouverner lesdis arbres et jardin d'eaue doulce et d'aultres choses nécessaires.
i. Ce l manque dans M. — 1. Dans M, la rédaction est considérablement amplifiée et le l i g6 transporté logiquement après le g ig8, ainsi : Aci devés vous savoir que devant laifontainne/'g jp^) ait .j. muscat de Sairaisin, c'est entandre .j. oratoire; et leans demour il tous jour .j. Sairaisin pour servir Deus a l'usaige sairaisinesque. Et est celui oratoire tout devant l'esglise de Saincte Kaitherine, a senestre pairtie en entrant dedant l'aibaye. — 3. manières. — 4 Af ; il i ait murs de piere sèche et hault pour tenir lai terre, leçon plus plausible que celle de P.— 5 . Le mot courtillage est remplacé dans M par celui de orùlaige, dérivé du lal. horlus.
198. En cedit jardin a une belle fonteine de quoy ledit jardin et arbres sont arrousés et attrempez quant mestier est ; et mesmement de coste l'église de Saincte Katherine dedans l'abbaye, a une moult belle fonteine et y trait on l'eaue comme a ung puis ^
199. Item, de l'un des costés de ladite abaye, c'est assavoir a main destre en allant a Saincte Katherine , est la haulte montagne de Sinay, en laquelle il y a plusieurs devostz et sains lieux.
200. Premiers, en montant ladite montaigne, si comme a la sixième partie, a une belle fonteine merveilleuse , car elle ist de la roche. Et celle fonteine fist Moïse, par la voulenté de Nostre Seigneur, de la verge qu'il lui donna, dont j'ay parlé devant ^ ; et fut faicte pour servir le peuple d'Israël que Moyse avoit gecté d'Egipte, et le menoit par les desers en la sainte terre de Promission.
20 ï. Item, en montant oultre, si comme au tiers dudit mont, a main senestre, a une chappelle fondée de Nostre Dame. En celle place s'apparut Nostre Dame aux moignes de Saincte Katherine^, qui l'abbaye avoient laissée et n'y vouloient ne povoient plus habitter pour la multitude des mousches^ qui la estoient. Et dont leur dist qu'il retournassent en leur abaye, car de la en avant telz vermines de mouches n'y habitteroient : et c'est chose certaine.
202. Item, en montant tousjours amont, trouvasmej deux petites portes faictes des roches mesmes en partie et d'aultres pierres taillées ; et sachiez qu'il y a moult fort pas.
20 3. Il Item, en montant tousjours amont, a deux chappelles l'une emprès l'autre, et plus grande l'une que l'au-
I. M: une tresbonne fontainne, lai quelle seirt en plussours lui, especialzmant en lai cuxine. C'est cette fontaine même dont il est question dans la note du § ig6. — 2. Au § ig3. — 3. M chaipelle faicte en l'onnour de lai doulce virge Mairie; et en celle plaisse s'aipairut lai belle virge Mairie au moinne de l'aibaye de S. K. — b. M : moisel[le]z , qui, avec un autre suffixe, est le même que le messin moixates, dim. mouches, resté dans le patois mouhotes.
tre, dont la plus petite est a la main destre en montant, et est fondée de saincte Marguerite ; et l'autre qui est a main senestre ^ est appellée la chappelle Helie. En cestedicte chappelle de Helie a mout digne lieu et assés bel ; il y a autel ainsi comme en trois chappelles ^ dont , en la première a main destre ^, est le saint lieu ou Nostre Seigneur parla audit Helie ; en la seconde, qui est la plus grande, est le saint lieu ou Nostre Seigneur envoya a menger audit Helie par ung corbeil ; et en la tierce chappelle a main senestre, est le saint lieu ou saint Alexis fist sa penitance.
204. Et quant l'en est montés jusques au plus hault de ladite monteigne, illec voit l'en et y a une belle petite église ainsi comme une chappelle; illec a moult bel et saint lieu. Celle chappelle est la chappelle de Moyse. Sy devez savoir que tout au dehors de celle chappelle, tout au droit du cuer, a main senestre en montant, a une grant et grosse roche en laquelle a une place vuide si comme pour gésir une personne. Et est vérité que Nostre Seigneur parloit une fois a Moyse sans ce qu'il le veist, dont il ot si grant paour quant il oyt la voix de Nostre Seigneur qu'il recula tant qu'il pot, et en reculant se ferit en ladite roche si grant cop qu'il se fust tout deffroissés, ce ne fust que Nostre Seigneur voult que la roche fust mole comme cire a celle fois : et pour ce entra du corps Moyse grant partie dedans ladite roche, si comme il est apparant, especiallement dès les cuisses en amont.
20 5. En celle place font les Chrestiens leur devocion ^, et se couche qui veult illec par devocion.
