LE JEU DE LA LONGUE PAUME
ET
AUTRES GAYETEZ CHAMPESTRES.
A l'esteuf d'autre part au carrefour pendu, Des joueurs de Villiers est bien tost despendu,
Qui quatre contre quatre en la plus belle rue, D'un batoir bien sonnant envoyent dans la nue L'esteuf poussé par l'air, et le bras vigoureux Tendent tous à ce point d'estre les plus heureux.
Le premier jeu finy d'une main bien hardie En jeu mettent l'eseu pour chacune partie, La le peuple s'assemble, et void sans respirer Et deçà et delà, maint beau coup se tirer Où sans nous ennuyer faisons longue demeure Jusqu'à ce que Pierrot nous dict, qu'il estoit heure De descendre à Beau-val, ou de viande exquise Couverte nous attend la nappe desja mise,
Arrivez nous souppons, puis déclinant le jour Ensemble reprenons le chemin de Beau-jour.
Le lendemain matin, seulet, et solitaire, Comme aymant les forests, et des champs le repaire, J'entre dedans le fort la harquebuze en main, Prenant des grands taillis la voye et le chemin, Je fais deux ou trois lieues par la forest cspaisse, Ores prenant les vaux, les montaignes je laisse Ores dans la fustaye, et ores dans l'obscur Des creux inhabitez, je me porte mal seur. Tousjours,quoy que s'en soit,un seul pas je n'advance, Que je ne sente au cœur de toy la souvenance, 0 ma belle Diane ! et pauvre je ne puis Pour estre loing de toy, soulager mes ennuis, Sinon par ce moyen : quand dedans la ramee Je grave çà et là ton nom ma bien aymee.
Ravy de la façon j'accompagne mes pas De regrets, de souspirs, désireux du trespas : Quand le long d'un estang comme déesses belles J'apperçoy folastrer cinq ou six pastourelles. En paix paistre je voy leurs camusets troupeaux, Et deux jeunes Bergers entonnant leurs pipeaux Pour les faire dancer : la dessus l'herbelette Douce comme coton, menue et verdelette, Commence la brigade, et de leurs pieds legiers Suivent le son cognu des amoureux Bergers, Ausquels le poil follet, tesmoin de leur jeunesse, A peine se monstroit, d'une délicatesse S'en remesloit leur teinct, le poil blond comme l'or Que l'avare usurier recelé en son thresor.
Je voy que la plus belle, ainsi comme elle passe Pardevant l'un des deux, souscrit de bonne grâce Et croy que n'eust esté honte qui la tenoit, Elle eust au col sauté du Berger qui sonnoit.
Le Pastoureau rougit, et ne sçait ce qu'il chante Transporté de l'amour qui ores le tourmente : Il tourne l'œil eh bas, et n'ose le badaut De peur d'estre apperceu lever la teste haut : La fillette le void, qui d'une douce œillade Conforte le garçon qui honteux la regarde.
A tant la dance cesse : or l'autre Pastoureau
Honteux moins que celuy, neantmoins de nouveau
Amoureux devenu de l'autre Bergerette,
(Qui seconde en beauté celle-cy plus follette)
S'approche plus hardy s'efforçant l'accoller
Mais la fille le fuit, et le fait reculer.
Lors il met lourre bas, et roidement s'advance,
Demandant un baiser, salaire de la dance :
A la fin il la baise, et après le Pitaut
Saute (comme content) troussant la jambe haut.
Un autre Pastoureau de couleur pallissante, Jeune, beau, souspirant devant eux se présente, Plein d'amoureux soucy, qui tousjours sanglottant Pour sa maistresse alloit tout ainsi lamentant.
