A LA MEILLEURE

Qui vous pourroit trouver, Pourroit bien achever, Une estrange avanture.

* Et tant sage seroit Qu'il outrepasseroit Le terme de nature.

Voyla comment le temps se passa en ces joyeuses nopces,qui furent continuées quelques jours, en faveur des Dames, ainsi Chariot et Lauriette, receurent le loyer de leurs mérites.

Mauricette et Ourson en traitant leurs amours Choisissent pour gaudir les plus beaux du villa* Entre lesquels Sandrin pour faire de bons tours Feust esleu pour orner ce brave mariage.

LES AMOURS DE MAURICETTE ET D'OtJRSON.

ÎAndis que Floride et Faramond J s'amusent à pleurer leur vieille mere, [ nous avisons une belle bergère qui demande d'entrer icy, pource qu'elle est de la partie, et que les Dames ne trouveront point ce qu'elles désirent sans elle. Au quartier plus fertile de la Brie vers le midy, où se voyent tant de belles maisons et de grands bourgs, dont l'abondance est la perfection de la contrée, estoit Thonneur des bergères : ceste belle Mauricette qui a tant perdu de cœurs, qui misérablement se sont venus ruiner, à l'escueil de sa beauté champestre, que nature et amour complices de ses cruautez avoient faite pour estre la gloire "de ce païs. Esprits désireux qui vous mirez dans les mignardises d'amour , et dont les aureilles délicates appetent une douceur de bien dire, qui porte sur l'air des paroles, les ames qui se

laissent desrober aux beaux discours, n'ayez point peur que ce commencement soit recouvert des beaux artifices de l'éloquence pour vous surprendre. Les amours des bergers sont naifs, leurs souspirs ressentant la première simplicité, sont nuds, et leur devis, qui représentent le vray de leurs courages sont tout simples : aussi l'amour n'estoit point tant retiré d'entr'eux que par fois n'y soit tresnaïfvement, comme souvent nostre belle bergère le chante :

CHANSON

Tousjours amour ne se tire Es maisons, où Palais des Rois Car souvent son humeur l'attire, Aux prez, aux costaux, et aux bois.

Il cherche les lieux volontaires, Soit aux champs, ou soit aux citez, Aux communs comme aux solitaires, Il va fuyant ses libertez.

Des Damoiselles et Bergères, Pour logis il choisit les yeux, Et de là ses Ûesches légères Blessent les cœurs en divers lieux.

Et ce pendant c'est Amour mesme Qui triomphe dessus tout cœur,

Et quelque sujet que Ton ayme :

On sent sa grâce, ou sa rigueur.

Pourtant les Bergères et Dames, Font sentir à leurs serviteurs, Et sentent de l'amour les fiâmes, En mesmes plaisirs et douleurs.

Comme desja l'âge faisoit que Mauricette avoit en estime ce que Ton requiert des filles, elle commença à consulter avec l'artifice des bergères, et toute jolie et propre de tendre aux cœurs, et amour pasteur logeant en ses beaux yeux blessoit tous ceux qui s'en approchoient, toute la contrée n'estoit pleine que de souspirs, et l'émotion de l'air par une nouvelle avanture causée que de la force des regrets des bergers passionnez. Il se faisoit aux testes et jours d'assemblées des parties pastorales en faveur de ceste belle, qui estoit l'unique Déesse de tous ceux qu'elle vouloit vaincre. Elle estoit prisée, et recherchée, mais elle n'en fut point esmeuë, tant qu'une fuis Amour, voulant tirer de l'obéissance de celle qui commandoit avec trop de présomption, l'affligea pour les perfections d'Ourson, jeune berger, sien voisin qui sans soupçon et crainte, sans se douter des trahisons du donteur de vos cœurs, vivoit souvent familièrement avec Mauricette. Ils

alloient quelquefois à la fontaine ensemble, et il luy aydoit à porter sa cruche, leurs petits troupeaux qui demeuroient à la maison attendant le temps de parquer, alloient doucement paistre ensemble, et eux deux mescognoissans les flesches d'amour luy faisoient beau jeu, si qu'aisément il les blessa où il voulut, et ceste semence d'amitié qui estoit entr'eux venant à pousser excita un vif surjon d'amour qui les pénétra vivement. Une fois qu'il estoit feste, et que toutes les filles estoient à dancer, Ourson, à qui l'amour avoit esmeu le cœur, chantant à son rang proposa ceste image de ses passions :

CHANSON

Je ne sçay que j'ay au cœur>

Toute la nuict je souspire :

Je sens une vive ardeur

Qui sans cesse me martyre.

La bergère que je voy Est cause de mon esmoy.

Le jour je suis tourmenté De la rigueur de ma peine, Sans cesse je suis tenté Par une force inhumaine .

Une Bergère d'icy

Est cause de mon soucy.

Je pleure estant à part raoy Traverse de ma tristesse, Et faudra comme je croy Que je meure de détresse.

Une Bergère d'honneur.

Est cause de ma douleur.

Mon mal est si gracieux Que bien content je l'endure, Et si doux me sont ses yeux Que j'en ayme la blessure.

La Bergère de beauté Cause ma calamité.

Là estoit une bergère jolie au possible, et plus esveillee que belle, qui voyant à peu près que Ourson adressa ses vœux à Mauricette, en devisant luy dit : Vous avez chanté une chanson toute nouvelle, Ourson, je vous prie, dictes nous qui Fa faicte.

Ourson. Belle Alison, vous me demandez ce que je ne vous puis dire; il est bien vray que celuy qui me l'a apprise m'a fait sçavoir que c'est un -berger qui est bien amouroux d'une bergère, laquelle est si belle que le jour n'est point plus beau, et ce berger là, a aymé ceste bergère dés son enfance, si que leur amour dure encor, et durera, et autre chose ne vous en puis je dire.

Alison. Cognoissons-nous point ceste bergère et son berger ?

32 LE SANDR1N

Ourson. Peut estre que vous les cognoissez, mais pour cela ne puis-je vous en dire d'avantage : aussi qu'il m'a juré qu'il ne veut pas descouvrir ainsi ses Amours, pource qu'il n'y auroit plus de plaisir.

Alison. Et dictes moy pourquoy cela.

Ourson. Et pourquoy me le demandez-vous? pensez-vous que j'en sçache tant? nul ne doit parler à personne que de ses propres amours.

Altson. Contez nous donc des vostres.

Ourson. Encore moins, car si c'estoit vous que j'aymasse, vous ne voudriez pas que je le die devant le monde, et si c'est une autre, et que je le vous die, elle en seroit faschee.

Alison. Vous estes bien fin Ourson.

Ourson. Mais vous estes bien plus fine, qui voulez sçavoir le secret d'autruy.

Mauricette estoit un peu altérée oyant ces propos, et commençoit à rougir, qui fut cause qu'elle les interrompit, afin de faire encor dancer aux chansons. Depuis ceste heure, Ourson n'avoit point veu Mauricette jusques au lendemain au soir qu'il la rencontra allant à la fontaine, et la force de l'amour ayant communiqué avec la jalousie, avoit imprimé je ne sçay quelle défiance au cœur de la belle, qui la rendit un peu rude à son Ourson, qui luy disant : Bon soir, Mauricette, où allez-vous

ainsi seule? luy respondit : Je ne suis pas seule, vous estes à ceste heure avec moy;mais vous, que faisiez vous tout seul ?

Ourson. Je ne suis pas seul aussi, ma belle bergère, je suis avec vous.

Mauricette. Vous aymeriez bien mieux estre avec Alison.

Ourson. Pourquoy me dictes vous cela, Mauricette? ne sçavez-vous pas bien que je vous ayme de tout mon cœur? avez-vous envie de me faire mourir? Enda, m'amie, vous me faictes grand tort.

Mauricette. Les bergers ont accoustumé de parler ainsi aux fillettes pour les abuser.

Ourson. Ne dictes point cela de moy je vous prie; je vous ayme trop ; si j'ay parlé à quelqu'autre, ce n'est pas pour Faymer. Mais voila que c'est, vous autres bergères, avez une coustume de fascher ceux qui vous ayment ; mais pourtant, faictes ce que vous voudrez, je ne me fascheray point.

Mauricette. Je vous prie, laissez moy.

Ourson. Vous faictes bien la mauvaise et la changée, Mauricette m'amie; ce n'est pas ainsi qu'il faut faire. Helas, que feray-je? plus vous me voyez amoureux de vous et moins vous faites comte de moy.

Mauricette. Ourson, je vous prie me laisser

aller et passer outre, car si ma mere me voyoit, elle me tanceroit.

Ourson. Adieu, Mauricette la bergère, que j'ayme le plus de ce monde, et qui a ceste heure, m'en recompense si mal que je sçay bien que j'en mourray de regret. Helas ! pauvre berger que je suis, que je fus mal-heureux quand jetevey ! las, tu me faisois si beau semblant, et à ceste heure tu fais la revesche : la voyla, elle s'en va par despit de moy; je voudrois n'avoh* jamais esté, puis qu'elle est ainsi changée, je ne sçay penser d'où vient cecy, sinon que c'est mon mal-heur dont je pleureray tant, qu'à la fin j'en assecheray si fort que j'en trespasseray.

Le désolé pasteur tira plusieurs jours en langueur la tristesse qui le minoit, et plein de regrets faisoit redire ses lamentations par tout où il rencontroit ceste importune voix qui le rapporte tout, ce que l'on ne cele point. Et ce pendant sa misérable amante qui se forçoit soy-mesme à son mal-heur, se destournant de son bien, estoit trop plus cruelle à soy-mesme qu'à son triste Berger, qui la recherche, et elle le fuit, bien qu'il soit le sujet qu'elle désire : Mais son amour qui la mettoit en deffiance, luy en fait ainsi user, pour esprouver si la constance habilee en pastourelle sera

jointe à Ourson. Certainement, elle estoit fort affligée, et la jalousie l'inquiétant luy faisoit faire de beaux discours. Elle fut si persécutée de son propre tourment, qu'elle en devient triste et mélancolique. Et les bergères ses amies qui avoient accoustumé d'estre ses familières, ne sçavoient qu'elle devenoit, dont elles eurent si grande douleur, et en portèrent tel desplaisir, que aux soirs leur cœur ne chantoit que d'elle, en la plaignant, et encores à certains jours les filles chantent ainsi pour dancer, en souvenance de l'affliction de ceste beauté :

CHANSON

Nostre plus belle Bergère Retire de nous ses yeux, Comme une biche légère Nous va fuyant en tous lieux.

Quand elle est à la fontaine Elle ne fait que pleurer, -Par tout on la voit en peine Regretter et souspirer.

Si elle est sur la montaigne Tout haut elle se plaindra, Si elle est par la campagne En pleurant lamentera.

En menant son troupeau paistre Elle se fond toute en pleurs,

Et tousjours elle veut estre Seule avec ses douleurs

Aux festes tandis qu'on dance De la troupe elle départ, Et monstre à sa contenance Qu'elle a l'esprit autre part.

Sans cesse elle se lamente.

Et s'afflige nuict et jour, On ne sçait qui la tourmente Si ce n'est le mal d'Amour.

La tristesse et l'amour, gouvernoit ces deux amans, et leurs actions diverses avoient une mesme cause. En fin, Mauricette, sentant en son cœur ceste pointe si violente à laquelle elle vouloit résister, et ne pouvoit, recognoissant l'injustice dont elle usoit, tant sur soy que sur son fidelle Ourson, délibéra de changer ses façons, et attendre ce qui adviendroit; d'autre part le desconforté Ourson ne sçachant comment aborder sa Bergère perissoit sur pieds; ses desdains tant frais estoient encores tous en son ame; son changement si apparent le desesperoit, et tout ennuyé se perdoit de douleur, et n'osant rien entreprendre trainoit sa vie et sa tristesse par un mesme sentier tendant à la mort, qui luy estoit toute certaine, et qui s'appareilloit de le surprendre, sans

qu'un matin ainsi qu'il alloit selon la coustume après son désolé troupeau, il rencontre Mauricette filant sa quenouille, et chassant devant soy une jeune jenisse. La voyant sans user de ses façons accoustumees, et cognoissant bien qu'elle l'avoit apperceu, et que pour cela elle n'avoit point prins la fuitte comme trop de fois quand il s'approchoit, ne sçeut que penser, et ne pouvoit estimer que ce fust elle; toutefois prenant l'occasion qui luy offroit tant d'apparence de vie, l'accostant humblement, luy dit : Dieu vous gard, belle Mauricette; ne trouverez-vous point mauvais si je parle à vous?

Mauricette. Ha ! Ourson, vous estes doncques icy, et qu'y venez- vous faire si matin?

Ourson. Je ne me puis tenir en la maison, je viens icy pour me des-ennuyer.

Mauricette. Et quel ennuy avez-vous?

Ourson. Je ne sçay si je le vous oserois dire : car si je vous dis quelque chose qui tant soit peu ne soit à vostre gré, vous me ferez pis que devant, et fuirez comme une biche.

Mauricette. Pourveu que vous ne disiez rien de mauvais, je ne m'en iray point.

Ourson. Helas! m'amie, il n'y a rien qui ne soit mauvais pour moy, puis que vous me fuyez ainsi que vous avez tousjours fait.

38 LE SANDR1N

Mauricette. Je ne l'ay pas fait sans cause, c'a esté de peur de des-honneur.

Ourson. Et qui vous deshonoreroit? personne ne vous sçauroit blasmer de ce que je vous ayme. Et je vous prie, belle Bergère, changez ceste pauvre sorte d'amour, ou bien si vous continuez, j'avise pour me consoler quand je n'en pourray plus.

Mauricette. Ourson, mon amy, ne le prenez point en mal, je vous diray ce que je pense. Entre vous, Bergers, vous faictes semblant de nous aymer, afin que nous vous aymions, puis après, quand vous voyez que vous avez ceste authorité sur nous, vous en faictes vos contes entre les autres, et vous en mocquez.

Ourson. Or, çà que c'est de penser mal à propos, tout cela est bien autrement de ce que je fay, et je vous jure, Mauricette, que j'aymerois mieux estre mort, que faire ce que vous dictes; essayez moy tant qu'il vous plaira, et si vous cognoissez que je ne vous ayme loyalement, ne m'aimez point. Mais voyez-vous, par ma foy, je vous ayme tant et si fort qu'il n'est pas possible que vous je puisse tromper.

Mauricette. Mais, si vous me trompez, qui m'en fera raison ?

Ourson. Ce sera la mort : car je mourray

plustost que cela advienne, et je le vous promets en bonne foy.

Mauricette. Il n'y a point de foy aux hommes d'aujourd'huy.

Ourson. Qu'en sçavez-vous? l'avez -vous essayé ?

Mauricette. Non, maisjel'ayouy dire.

Ourson. Ne croyez pas ce que les autres Bergères disent : car ce qu'elles en font, est afin que les simples filles n'aiment point, et que seules elles soient aymees.

Mauricette. Bien, Ourson, c'est assez pour ceste heure; passez outre, je vous verray une autre fois.

Combien pensez- vous que ce temps leur durera? mesurez le à part vous, belles Nymphes, qui voulez revoir icy le pourtraict de vos amours, * et si jamais quelqu'une de vous se trouve en telle peine, qu'elle conçoive son bien au prix du contentement de ces deux-cy, quand ils se trouveront. Ils n'avoient garde d'oublier les lieux où ils se pouvoient trouver, et ne laissoient passer aucun temps qui leur peust apporter une tant désirée commodité, puis, autant que l'honneur le permet et que la liberté conçoit de plaisir, ils s'en donnoient, et le reçoivent. Quelques delicieuxbaisers, image véritable du bon-heur, estoient amoureuse-

ment desrobez. Et, comme Ourson plushardy vouloit continuer ces excellentes amorces d'amour, elle se faignoit un peu, et par un petit semblant, multiplioit les délices de leur contentement. Ils continuèrent longuement en ce sentier de volupté, et tant que leur amour, que le soupçon avoit publié par tout, fut cogneu.

Mauricette est envoyée vers Glicere.

Lamerede Mauricette, sçachant ces amours, ne les approuva pas, estimant la beauté de sa fille digne de plus que d'Ourson. Et, d'autant qu'elle craignoit que la violence de leur amour ne les fit passer les limites que les Dames veulent tant conserver, bien que leurs désirs soient de les passer avec honneur, elle s'advisa d'envoyer sa fille à une sienne cousine qui demouroit en Berry près de la maison de Faramond, ce qui fut fait; et ainsi la belle Mauricette, laissant les lieux tant aimez, alla pour estre le jour d'une autre contrée entre les pastourelles du pais. Que de plaintes, que de regrets, que de larmes, que de douces lamentations se pourroient recueillir qui seroit auprès de ces deux passionnez, ausquels on ravit la vie. Il n'y a rien eu jamais de pareil entre les Bergers ; rien n'a esté de si piteux, et jamais Pasteur ne fut capable de souspirer

OU VERD GALAND. 4i

si desolément, qu'il ait peu esgaler l'accent des plaintes de ceux-cy; aussi leur douleur importunément cruelle, estoit excessive. Quelque temps après, l'impatience agittant Ourson, il délibéra de mourir ou de voir sa Bergère, et s'advisa d'un moyen : le temps de parquer estoit près, parquoy il parla à un sien amy très intime, et luy ayant descouvert une partie de son intention, print party avec luy, ce qui pleust aux parens d'Ourson qui le temps venu s'en alla avec le pastre, où leur affaire les attiroit. Ourson ne demeura gueres à l'air, ains assuré des promesses de son amy, alla où estoit Mauricette, avec laquelle il conféra de leurs amours. Il ne fut avec elle qu'un jour pource que l'honneur ne leurpermettoit d'avantage d'aise, encor ce jour fut bien divisé, et trop de fois plus bref qu'il ne falloit à ces Amans. Ils s'entredonnerent fidélité, renouvellerent leurs anciennes alliances et sentirent un peu l'esclair des parfaites douceurs où l'on prétend : si l'honneur n'eut esté paysan, ils se fussent possible ingérez jusques au parfait plaisir : mais ils en demeurèrent à ce terme, laissant leur bien sur l'aille d'espérance voler comme il pourra. Ourson retourné si content qu'il s'oublioit soy-mesme, revint vers son amy, puis retourna en sa maison. Ce pendant

il avoit une jeune tante fort riche, et qui estoit mariée à un honneste laboureur, ceste jeune femme tomba malade, et advint qu'elle mourut sans enfans,laissant Ourson héritier des grands biens qu'elle avoit. Depuis il luy vint une autre succession, tellement qu'il estoit estimé le plus riche de la paroisse. Se trouvant en tant de commoditez, il oublia ses amours, et incité par ses parens, mit sous pieds les sermens de sa fidélité, et espousa une jeune fille assez belle, mais beaucoup de fois plus riche que Mauricette, et fut avec elle quelque temps sans que Mauricette en sçeut rien, laquelle s'appuyant en sa promesse, attendoit qu'il luy fit sçavoir de ses nouvelles, sans s'en enquester en façon quelconque, pource qu'ainsi avoient ils accordé ensemble. Mais, comme le temps met tout en évidence et que le terme promis estoit trop passé, elle qui vouloit avoir le cœur esclarcy, fît tant qu'elle sceut ce qui en estoit. Si toute Bergère qu'elle estoit elle n'eut accosté, la constance avec laquelle, durant ses amours, elle avoit fait quelque pratique, elle se fut ruinée d'ennuis et de regrets. Mais dequoy te serviront tes plaintes, belle Bergère? tes passions t'ont trompée, tu es decheute de la gloire que tu esperois, pensant en ce perfide Berger qui t'avoit juré que véritablement t'ai-

meroit et qui n'a pas esté fidèle, comme tu es, vivras-tu contente? tu ne sçaurois, ta douleur te surmonte, il faut que tu donnes air à tes souspirs. Les Bergères ont un cœur, elles ont une ame susceptible de belles et heureuses formes, et pource elles ont les mesmes conceptions que les Nymphes, encores qu'elles ne les expriment pas avec tant de douceurs, comme elles les savourent. Geste triste Bergère entre autres avoit fait une amie qui desja estoit d'âge, laquelle appercevant à ses yeux, pour n'y voir la sérénité ordinaire, qu'elle avoit quelque douleur, l'en interrogea. Ha ! Sibile, m'amie, luy dit Mauricette, puis que nostre amitié nous a conjointes afin que nos cœurs fussent ouverts l'une à l'autre, je te diray mon desconfort : le malicieux Ourson à qui j'avois permis de posséder mon cœur, m'a laschement trahie, il a fait autre amie, et qui pis est, pour m'oster tout espoir, s'est marié. Helas, pauvre moy, que seray-je infortunée Bergère? Desloyal Ourson, je t'avois tant mis devant les yeux la desloyauté naturelle des Bergers, tu t'en excusois. Lasche que tu es, tu te devois contenter de m'avoir veuë en peine pour ton amour, sans en tin me laisser ne t'en ayant donné aucune occasion. 0 Dieu ! que je fus mal-heureuse quand je me remis à te han-

44 LE SÀNDR1N

ter, et toy cauteleux quand tu sçavois si bien farder tes actions. Ha ! ma Sibile m'amie, il faut que je meure, et que laissant aller ma vie après ma peine, que je ne sois plus, puis que celuy qui estoit mon espérance veut que je meure.

Sibile. Appaise toy, m'amie, il ne faut pas te desconforter pour ce qui est fait ; pense-tu par tes pleurs faire que cela qu'il a fait ne soit? Non, non, ma fillette, advise à te resjoùir, et puis qu'il t'a oubliée de n'en faire conte, afin qu'il n'ait point cela dessus toy, que tu sois faschee pour luy; vois-tu, il t'a fait despit, et pour luy en faire, il faut ne s'en point soucier.

Mauricette. Ha! que tu dis bien; si tu estois amoureuse comme moy, tu ne pourrois dire ainsi. Mais bien afin que je ne te fasche, je feray si bien qu'il n'y paroistra point : et ce pendant en despit de luy et de moy-mesme, pour me faire souvenir qu'il faut estre sage, je pleureray pour me consoler, et si je chante quelque fois, je diray :

Il n'est rien de si léger Que les amours d'un berger.

J'estois heureuse et contente, Alors que rien je n'aimois, Maintenant je me tourmente

Sçachant ce que je craignois.

Il n'est rien.

Je voulois passer ma vie, Loin des yeux de mon pasteur, Qui d'une trompeuse envie A séduit mon jeune cœur.

Il n'est rien.

Je ne voulois point entendre Aux vœux de son amitié, Mais il me sçeut bien surprendre Et avoir de luy pitié.

Il n'est rien.

Je l'aimois comme mon ame, Il m'avoit juré sa foy, J'estois son unique Dame, Je l'aimois autant que moy .

Il n'est rien.

Il m'appelloit sa maistresse, Que tousjours il aymeroit, Me nommant ceste Déesse Qu'en son cœur il adoroit.

Il n'est rien.

Mais ses vœux et ma présence Ont pris un semblable cours, Il a mis en oubliance Sa foy comme ses amours.

Il n'est rien.

<iG LE SANDRIN

C'est fait, il se faut distraire, Sans plus jamais y penser, Mais ô Berger téméraire Tu ne devois m'offencer.

Il n'est rien.

Je pardonne à ta folie, Si donc tu peux, vis contant.

Tandis que ma triste vie S'escoulera lamentant, Il n'est rien, etc.

Sibile. Voire, mais, ma mignonne, regardez ce que vous faictes en chantant cecy, vous mettez en avant vos amours : qu'est-ce que l'on en dira ?

Mauricette. On dira que je suis une triste Bergère séduite par un trompeur Berger, qui a fait semblant de m'aimer, et tout d'un coup m'a laissée là. Pensez-vous, m'amie, que je n'en aye pas grand despit? il faudroit estre une pierre, encore, je croy que l'on se sentiroit de ce mal, tant il est grand.

Sibile. Vous avez beau faire, c'en est fait.

Mauricette. Il est vray, je le sçay bien, et que je suis bien folle : mais, puis que ma folie est commencée, il la faut achever, afin puis après de devenir sage.

Sibile. Vous ne disiez pas tantost ainsi.

Mauricette. Sçavez-vous pas bien que je ne

sçay que je dis ni que je fay? Il faut que peu à peu j'apprenne à devenir sage par vostre conseil.

Voyla ceste pauvre Bergère persécutée estrangement, et qui a ressenty les differens effets de la rigueur, de la jalousie, de la pointe d'amour et de la violence du despit. Jalouse, elle a souspiré son ennuy par tous les lieux qui luy pouvoient apporter quelque souvenance de la source de ces désirs, et lors qu'amour luy a donné trefves de ceste guerre, et a voulu voleter en son cœur, elle a conduit ses plus affectionnez passions és lieux qui par leur apparence sont les plus propres à estre tesmoins des plaintes, et discours que l'on fait après les plus agréables imaginations de ses contentemens. Puis encor toute navrée, et ses playes toutes nouvelles, ayant sçeu le cruel affront que son Berger luy a fait, elle a donné à ses regrets, et tant piteusement lamenté, que la mort qui estoit survenue pour l'achever en a eu si grande pitié qu'elle en est presque morte. Ha! cruauté des destinées, faut-il qu'une tant belle Bergère si succeptible de belles passions, tant accomplie entre les pastourelles, soit ainsi travaillée des plus déterminez effets de toute calamité. Certes à la fin si vous ne prenez garde aux fortunes, vous qui

pensez tousjours jouer de nous, vous y perdrez : car voyant que vous et vos complices persécutez ordinairement les ames plus belles, et accomplies, on tiendra pour tout vray, et certain, que vous estes la difformité de l'Univers, le deshonneur de tout, et l'imperfection mesme, veu qu'il n'y a point d'apparence de réduire à tant de désolations, ce qui mérite tout contentement, et ordinairement favoriser les sujets qui sont les dignes objets de vos desloyautez.

Tu vois icy Amour assisté de Bergères Escrire les destins des Bergers mal-heureux Ce Dieu dicte leurs faits, puis en sont messagères Et font de Janeton Perrot estre amoureux : Ou sans nul contredit il les font rire ensemble Et jouer les beaux jeux ainsi que bon leur semble.

LES AMOUIIS RUSTIQUES