MONLUC

nom, (anlque le livre de Monluc vivra : car, à la vérité, vouS estes dignes d'immortelle louange, si jamais femmes le feurenl. Au commencement de la belle rézolution que ce peuple fist de deffendre sa liberté, toutes les dames de la ville de Sienne se despartirent' en trois bandes : la première estoict conduicte par la signora Forfe-guerra, qui estoict veslue de violet, et toutes celles qui la suivoincl aussi, ayant son accoustrement, en façon d'une nymphe, court et monstrant le brodequin; la seconde estoict la signora Piccollomini, vestue de salin incarnadin, et sa troupe de mesme livrôe ; la troisiesme estoil la signora Livia Fausta, veslue toute de blanc, comme aussi estoict sa suitte avec son enseigne blanche. Dans leurs enseignes elles avoinct de belles devises : je voudrois avoir donné beaucoup et m'en ressouvenir ^. Ces trois escadrons estoinct composés de trois mil dames, gentilz-femmes ou bourgeoises : leurs armes estoinct des picz, des pelles, des hottes et des fascines : et en cest équipaigc firent leur monstre et allarent^ commencer les fortifications. Monsieur de Termes, qui m'en a souvent faict le compte, car je n'y estois encor arrivé, m'a asseuré n'avoir jamais veu de sa vie choze si belle que celle-là ; je vis leurs enseignes despuis. * Elles avoinct faict un chant cà l'honneur de la France lors qu'elles alloinct à leur fortification : je voudrois avoir donné le meilleur cheval que j'ay et l'avoir pour le mettre icy ^.

Et puisque je suis sur l'honneur de ces femmes, je veux que ceux qui viendront aprùs nous admirent et le couraige et la vertu d'une jeune Siennoise, laquelle, encore qu'elle soict fille de pauvre lieu, mérite toutes fois estre mise au rang plus ^ honorable. J'avois faict une ordonnance au temps que je feus créé dictateur, que nul, à peine d'estre bien puny, ne faillist d'aller à la garde à son tour. Geste jeune fille, voyant ung frère à qui il touchoicl'' de ferela garde, ne pouvoir y aller, prend son morion qu'elle met en leste, ses chausses et ung collet de bufle, et avec son hallebarde * sur le col, s'en va au corps de garde en cest