De la loyauté chez les princes

Nostre roy Charles* fist bien tout ce qu'il peust pour attraper les grands segneurs huguenots et par justice et par guerres; mais ne les ayant peu vaincre n'y attraper, il les attrapa par finesse à la saint Barthélémy, les ayant fait venir sous titre de bonne foy. Aucuns ont estimé l'acte; autres l'ont fort détesté, ainsin qu'a esté celuy par"^ nostre roy Henri III dont il usa à l'endroit de M. de Guise et de M. le cardinal son frère^, ayant pardonné les barricades de Paris et tout le passé par une foy solennellement jurée. S'il fisl bien ou mal, je m'en raporte aux grands discoureurs qui sont plus suflisans^que moy, qui ne suis pas digne d'en dyre mon advys.

Enfin, qu'est-il advenu de tous ces Irailz de ces grands que je viens de dyre, sinon les elfectz que le courroux de Dieu a produits sur les uns et sur les autres? Nous avons nostre grand