De ce que. 8. Accueil

qu'il apperceut que sa mère Volumnia vouloit commeucer à luy parler, il appella les principaux du conseil des Voisques pour ouyr ce qu'elle proposeroit, puis elle parla en cesle manière : « Tu peux assez cognoistre de toy mesme, mon filz, encore que nous ne t'en dissions rien, à voir noz accoustremens, et Testât auquel sont noz pauvres corps, quelle a esté nostre vie en la maison depuis que tu en es dehors : mais considère encore maintenant combien plus mal heureuses et plus infortunées nous sommes icy venues que toutes les femmes du monde, attendu que ce qui est à toutes les autres le plus doulx à voir, la fortune nous l'a rendu le plus elTroyable, faisant voir à moy mon filz, et à celle-ci son mary, assiégeant les murailles de son propre pais, tellement que ce qui est à toutes autres le souverain reconfort en leurs adversitez, de prier et invoquer les Dieux à leur secours, c'est ce qui nous met en plus grande' perplexité, pource que nous ne leur sçaurions demander en noz prières victoire à nostre pais et préservation de ta vie tout ensemble, ains^ toutes les plus griefves malédictions que sçauroit imaginer contre nous un ennemy sont nécessairement encloses en noz oraisons, pource qu'il est forcera ta femme et à tes enfans qu'ilz soyent privez de l'un des deux, ou de toy, ou de leurs pais : car quant à moy, je ne suis pas délibérée'*' d'attendre que la fortune, moy vivante, décide l'issue de ceste guerre : car si je ne te puis persuader que tu vueilles plus tost bien faire à toules les deux parl.ies°, que d'en ruiner et desiruire l'une, en préférant amilié et concorde aux misères et calamitez de la guerre, je veux bien que tu saches et le tienes" pour asseuré que tu n'iras jamais assaillir ny combattre ton païs que premièrement tu ne passes par dessus le corps de celle qui t'a mis en ce monde, et ne doy pas diti'erer jusques à voir le jour, ou que mon filz prisonnier soit mené en triumphe par ses citoyens, ou que luy mesme triumphe de son pais. Or si ainsi estoit que je te requisse de sauver ton pais en destruisant les Voisques, ce te seroit certainement une délibération trop malaisée à résoudre : car comme il n'est point licite de ruiner son pa'is, aussi n'est-il point juste de trahir ceulx qui se sont fiez en toy. Mais ce que je te demande est une délivrance de maulx, laquelle est également profitable et salutaire à l'un et à l'autre