LA DÉFENSE ET ILLUSTRATION DE LA LANGUE FRANÇOYSE

Pourquoij la langue Françoyse n'est si riche que la Grecque et Latine.

Si nostre langue n"esl si copieuse' et riche que la Grecque ou Latine, cela ne doit estre imputé au défaut d'icelle, comme si d'elle mesme elle ne pouvoit jamais estre sinon- pauvre et stérile : mais bien on le doit attribuer à l'ignorance de nos majeurs-^ qui ayans (comme dit quelqu'un, pariant des anciens Romains^) en plus grande recommendation le bien faire que le bien dire, et mieux aimans laisser à leur postérité les exemples de vertu, que les préceptes, se sont privez de la gloire de leurs biens-faitz'', et nous'^ du fruict de l'imitation d'iceux : et par mesme moyen nous ont laissé nostre langue si pauvre et nue, qu'elle a besoing des ornements et (s'il fault ainsi parler) des plumes d'autruy. Mais qui voudroit dire que la Greque et Romaine eussent toujours esté en l'excellence qu'on^ les a veuës du temps d'Homère et de Demosthene, de Virgile et de Ciceron? El si ces auteurs eussent jugé que jamais, pour quelque diligence^ et culture qu'on y eust peu faire, elles n'eussent sceu'' produire plus grand fruict, se fussent ilz tant efforcez de les mettre au poinct ou nous les voyons maintenant? Ainsi puis-je dire de nostre langue qui commence encores à fleurir sans fructifier, ou plus tost, comme une plante et ver-