PRIVILEGE DV ROY

Lovis par la Grâce de Dieu, Roy de France et de Nauarre : A nos amez et féaux Conseillers les Gens tenans nos Cours de Parlement, Maistres des Requestes ordinaires de nostre Hostel, Baillifs, Seneschaux, leurs Lieutenans, et tous autres nos Iusticiers et Officiers qu'il appartiendra, Salut. I. B. Pocqvelin de Molière, Comédien de la Troupe de nostre très-cher et tres-amé Frère Vnique le Duc d'Orléans, Nous a fait exposer, qu'il auroit depuis peu composé pour nostre diuertissement, vne Pièce de. Théâtre qui est intitulée Le Sicilien, belle et tres-agreable , laquelle il desireroit faire imprimer : Mais comme il seroit arriué qu'en ayant cydeuant composé quelques autres, aucunes d'icelles auroient esté prises et

transcrites par des Particuliers, qui les ont fait imprimer, vendre et débiter, en vertu des Lettres de Priuilege qu'ils auroient surprises en nostre grande Chancelerie, à son préjudice et dommage, pour raison de quoy il y a eu Instance en nostre Conseil jugée à rencontre dYn Libraire, en faueur de l'Exposant; lequel craignant que celle-cy ne luv soit pareillement prise, et que par ce moven il ne soit priué du fruit qu'il en peut retirer, Nous auroit requis luv accorder nos Lettres, auec les défenses sur ce nécessaires. A ces cavses, desirans fauorablement traiter Y Exposant, Nous luy auons permis et permettons par ces Présentes, de faire imprimer ladite Pièce par tel des Imprimeurs par Nous reseruez que bon luv semblera, et icelle vendre et débiter en tous les Lieux de nostre Royaume qu'il désirera, durant l'espace Je cinq années, à commencer du jour qu'elle sera acheuée d'imprimer pour la première fois, à condition qu'il en sera mis deux Exemplaires en nostre

Bibliothèque publique, vn en celle de nostre Cabinet du Chasteau du Louure, et vn en celle de nostre très-cher et féal Cheualier, Chancelier de France, le Sieur Segvier, auant que de l'exposer en vente, à peine de nullité des Présentes : Pendant lequel temps faisons défenses à toutes Personnes, de quelque qualité et condition qu'elles soient, de l'imprimer, vendre, ny débiter, en aucun Lieu, de nostre obéissance, sous quelque prétexte que ce soit, sans le consentement de l'Exposant, ou de ceux ayans droict de luy, à peine de confiscation des Exemplaires, quinze cens liures d'amende, appliquable vn tiers à THospital General, vn tiers au dénonciateur, et l'autre tiers au dit Exposant, et de tous despens, dommages et interests. Voulons en outre, qu'en mettant vn Extrait des Présentes au commencement ou à la fin de chacun Exemplaire, comme aussi qu'aux Copies des Présentes collationnées par l'vn de nos amez et féaux Secrétaires, foy soit adjoûtee

comme à l'Original. Commandons au premier nostre Huissier ou Sergent sur ce requis, faire pour l'exécution des Présentes, tous Exploits nécessaires, sans pour ce demander autre permission :

Car tel est nostre plaisir. Donné à Paris le dernier jour d'Octobre, Tan de grâce mil six cens soixante sept, Et de nostre Règne le vingt-cinquième.

Signé, Par le Rov en son Conseil, TRVCHOT. Et scellé.

Registre sur le Liure de la Communauté, suiuant l'Arrest de la Cour de Parlement.

Le dit Sieur de Molière a cédé et transporté son droict de Priuilege à Ieam Ri boy Marchand Libraire à Paris, pour en jouir le t^mps porté par iceluy, suiuant l'accord fait entr'eux.

A cheué d'imprimer pour la première fois le 9. Xorembre 1667.

BWJOTHÊTA