Nicole Oresme, Op. Ictud., ch. X ; ms. cit., fol. 13, v

2. Magistri Nicolai Oresme Tractatus contra astronomos judiciarios, cap. IV ; Bibliothèque Nationale, fonds latin, ms. n° 14580, fol. 101, col. d.

3. Nicole Oresme, Des divinations, ch. XII ; Bibliothèque Nationale, fonds français, ms. n° 19951, fol. 19, r°, à fol. 22, v°.

478 LA PHYSIQUE PARISIENNE AU XIVe SIÈCLE

« Pluseurs gens ont esté pJuseurs foiz déceuz par teJz ars ou divinemens premièrement, car c’est une des choses du monde de quoy on raconte plus de fables et de mensonges. Et imposent telz divins 1 qu’ilz avoient dit devant ce qu’ilz ne dirent oneques, et qu’ilz ont fait par leurs ars ce qu’ilz ne firent oneques. Car les simples gens escoutent voulentiers telz choses pource qu’elles sont belles et de grant admiracion.

» Item, ilz les croient de légier 2... par la convoitise de savoir ce qui est à venir, qui leur fait croire de légier que telz folies sont possibles.

» Item, autres dient ou escrivent les choses après le fait, et faignent que ainsi avoit-il pronostiqué devant. Et en telle manière, ce dit Saint Augustin, descript Virgile l’estât et les proesses des Romains du temps passé, et imposoit à une Sibile que ainsi l’avoit-elle deviné avant.

» Item, leurs paraboles sont aucunes fois doubles, amphiboliques, à deux visages, comme on treuve en pluseurs histoires ; et aucunes fois sont obscures et pevent estre appliquées à pluseurs efTects ou personnes, comme sont prophéties des papes et pluseurs autres.

» Item, quant aucune personne est inclinée à croire telles choses, et elle applique sa fantaisie à une exposicion d’une telle divinacion, il lui semble que celle divinacion a esté fête à ce propos ; mais tout ainsi lui sembleroit-il d’un autre propos, se il le y appliquoit.

» Item, qui veult diviner obscurément des fortunes d’un homme, à peine peut faillir qu’il n’aviègne aucune chose applicable à son divinement par la continuelle variacion des prospériez et des adversitez de fortune ; car, selon ce que dit Job, homme ne demeure oneques en un estât. Et compaignons moqueurs font aucunes fois telles prophéties en la taverne...

» Item, se leurs pronosticacions sont clères, lors sont aucunes fois vraies à l’aventure et aucunes fois faulses...

» Item, telz divinemens sont souvent déceus ; car quant une chose avient, à l’aventure, qu’ilz avoient dénoncié par avant, il semble qu’ilz sont trop vaillans et que leur science est vraye ; mais quant ils faillent après, trois fois contre une, ilz cuident que ce soit pource qu’ilz n’ont pas ouvré selon leur science et qu’ilz aient oublié aucun point.