A MONSIEVR HARDY

HARDY de qui la muse est si braue & hardie, Qu'elle ose bien troublant l'ordre de l'vniuers, 3 Tenir l'enfer, la terre, & tous les Cieux ouuerts, Aux subie ts que choisit la graue Tragédie.

La trame d'Alexandre, en vain fut desourdie, 6 Daire veid pour néant ses estats à l'enuers,

Puis qu'on sçait l'vn & l'autre immortel dans les vers Que ta plume pour eux à la France dédie.

9 Euridice & Thésée eurent vn pire sort.

Que ces Roys qu'il t'a pieu retirer de la mort, Leur lumière en peu d'heure après fut estouffée.

12 Mais l'immortalité que leur fait receuoir

Le Tragique François, monstre que son pouuoir Passe le bras d'Hercul, & la lyre d'Orphée.