SCENE II

SALOME, ESCHANSON.

SALOME.

L'Abord à dire vray du dessein que ie trame De scrupule pourroit faire pâllir vne ame, m Agiter de tremeur ces courages peureux,

Dans la fange éleuez d'vn peuple malheureux;

Mais vous qui ne viuez animé que de gloire, 34 Vous de qui i'ay la foy vers le Prince notoire,

Qui d'vn zèle pieux son salut préférez

Au propre jour duquel nous viuons éclairez, 37 Vous qu'vn astre a voué prudent à son seruice,

Prudent discernerez l'vtilité du vice,

Mesurerez au mal presque désespéré, 40 Le remède pareil iusqu'icy différé.

Somme que le poison d'vne amour féminine.

Sur le Roy mon Germain, si puissante domine, 43 Luy cille tellement les yeux de la raison,

Que les moyens communs ne sont plus de saison ;

Que l'éminent péril de sa vie incertaine [428]

46 Ne semble à l'aueuglé qu'vne illusion vaine,

l'ay plus que mon pouuoir de ma part employé,

Afin de redresser ce cerueau déuoyé, 49 Afin de séparer de sa couche vne peste

Qui de le suffoquer chaque moment s'appreste.

Stupide neantmoins, letargique, assoupy, 52 11 se plaist en sa fange, où il a trop croupy.

N'ayme, ne croit, ne tient en personne qui viue,

Horsmis en Mariamne, objet qui le captiue, 55 Présume que ce masque affronteur de beauté.

Rarement ou jamais cache la cruauté,

Qu'au trauers on liroit vne fraude meurtrière; 58 Cependant préuenuë elle creuse sa bière,

Remue Ciel & terre en ceste intention

De haster, le perdant, nostre perdition, 61 Capitale enneaiie a quiconque fidelle

Est au Roy domestique, ou joint de parentelle.

Or vous de qui le grade a chez nous le crédit 64 D'attenter vn chef-d'œuure à tout autre interdit,

De luy rendre suspects de sa mort conjurée,

Ceux dont la conjecture il a déjà tirée, 67 Pouuez à Mariamne imputer que souuent

Elle vous en a mis des propos en auant,

Par promesse voulu tirer à sa cordelle, [429]

70 Afin d'empoisonner vostre maistre infidelle,

Mesler en son bruuage vn philtre vénéneux,

Que ne croit là dessus vn homme soupçonneux?