V. 1558—1594. D'ACHILLE

Eux qui sont inégaux de valeur & de nombre, Eux qui se sont couards a la fuite sauuez,

60 Qui tremblent au regard de vos bras éprouuez Des hommes & des Dieux le mespris & la haine, Ce sont. Soldats, ceux la contre qui ie vous meine,

63 Leur chef est le meurtrier, comparez-le avec moy. Celuy qui fit deslors banqueroute a sa foy, [93]

Que Menelas deceu sous le droict d'hostelage,

66 Ne se pût garantir en sa lubrique rage. Signalé d'adultère, & de perfides tours, Mais le premier à fuir aux belliqueux estours,

69 Que dis-je? vous n'auez qu'Achille qui vous guide Au rang des Demy-dieux enroollé comme Alcidé, De l'Olympe à présent hoste Déifié,

72 Qui veut a son trépas ores gratifié,

D'vn millier d'ennemis vne fraîche hécatombe, Attendant qu'Ilion de fonds en comble tombe,

75 Marchons, vn tel discours ennuyeux ie vous fais, Ennemis du langage, & propres aux effects.