SCENE L

VALERIE, TROVPES DE DAMES.

VALERIE.

DOutez vous que les Dieux inspirent mon courage? Les bons Dieux qu'en l'effroy de ce commun naufrage Chacun va prosterné supplier aux Autels, Leurs miracles souuent d'origine sont tels,

78 CORIOLAN v. 801-840.

1 Ils choisissent vn cœur humilié de crainte, Pour y germer la foy d'vne assistance saincte, Pour rendre son conseil organe d'vn bien fait, 4 Outre que ie croirois vn signalé forfait ; Outre que ie croirois tenir plus d'vne Idole, Que du sang généreux de ce grand Publicole, [157] 7 Laissant aucun moyen à part moy pourpensé, Vtile à mon païs de misère oppressé, Prest à faire vne paix pleine d'ignominie,

10 Paix qui ne vaut pas mieux qu'vn joug de tyrannie, Paix de qui nos Majeurs herisseroient d'horreur S'ils entendoient ià bas nostre timide erreur:

13 Les Célestes exprés ont voulu débonnaires.

Que teinsious en depost du chef des aduersaires, Vn gage plus preignant d'amour, & de pitié,

16 Sa mère, & ses enfans, & sa chère moitié.

Implorant leurs secours, implorant leur puissance, Pour toutes de parler ie prendray la licence,

19 Allons donc les trouuer.