SCENE III
L'HERMITE, CORNELIE, SERVANTE.
L'HERMITE
Apprenez que le bras du Tout-puissant mesure A nos afflictions nostre infirme nature, [262] Et enuers le pécheur paroist son amitié, Qu'il ne laisse croupir vn vice chastié; 65 D'exemple journalier vn bon & sage Père, Crainte que ses enfans souffrent du vitupère, Leur tient la bride roide, & la correction, 68 N'arguë neantmoins que trop d'affection.
Ainsi ma bonne Dame, ainsi deuez vous croire, Que de la patience arriue la victoire, 71 Que tels maux sans murmure endurez de sa main. Il fléchira les cœurs d'vn Espoux, d'vn germain; Non que sa volonté de la nostre dériue, 74 Non que sa volonté souffre qu'on la prescriue, Suffit qu'en temps & lieu nous recueillions les fruicts De sa grâce du tout gratuite produits.
CORNELIE.
77 Vos consolations m'inspirent vn courage, Qui des aduersitez ne craindra plus l'orage, Et qui d'ovesnauant se repute assez fort,
80 Pour attendre le coup apperceu de la mort, Ferme dessur l'appuy d'vne innocence pure Qui m'accompagnera dedans la sépulture. [263]
L'HERMITE
83 l'accorde qu'innocente au regard du désir Qui vous fit vn Espoux légitime choisir. Ou qui compareroit la tourbe déplorable 86 D'vn tas de réprouuez en ce val misérable.
Mais ma fille, enuers Dieu nul ne vit innocent, Non mesme le Soleil deuant luy frémissant; 89 Se peut faire, qu'aussi l'affection présente Sur les forfaits passez a cause suffisante,
SERVANTE
Mon Père, s'il vous plaist, sans rompre ce discours,
92 Les huis sont-ils bien clos? ie frissonne toujours Plus que la fueille au bois tremblottante, agitée, Possible, que sçait-onV nostre fuite éuentée.
95 Quelqu'vn fondroit icy lors qu'on y pense moins.
L'HERMITE
Propos du peu de foy déplorables témoins. Hé ! simple, à quel sujet craindre sous la tutelle 98 Du sacré Gouuerneur de la bande mortelle? Qui peut faire d'vn clin les deux Pôles mouuoir Qui bride la fureur de l'infernal pouuoir;
1 Sans sa permission, que l'vniuers tempeste, Vn seul cheueu ne peut tomber de nostre teste: [264] Non, qu'il faille au besoin les moyens négliger,
4 Qu'offre sa préuoyance à sortir d'vn danger.
SERVANTE
Extrême, pourquoy donc ne les mettre en vsage?
L'HERMITE
Le lieu premièrement écarté du passage 7 Ne se fréquente point, sinon qu'aucunesfois. Comme vous le voyez scitué dedans les bois. Et par ainsi très-propre au déduit de la chasse, 10 Quand le Duc de Ferrare, ou quelque Grand y passe.
CORNELIE.
0 que si le bon-heur le pouuoit amener !
L'HERMITE
Mais si Dieu le vouloit à ce faire incliner, 13 (Auteur des bons desseins) asseurez-vous Madame, Que mes foibles efforts ébranleront son ame, Et qu'assisté du Ciel ie feray que l'etfet 16 D'vn mariage Sainct ne demeure imparfait.
CORNELIE.
Alors ie vous deuray mon honneur & ma vie.
L'HERMITE
Dieu s'offense par tout de sa gloii-e rauie, 19 Referez tout à luy; mais allons de ce pas, [265]
(Vous en auez besoin) prendre vn sobre repas.
126 CORNELIE v. 1121—1138.
