SCÈNE

TlhXMAS, marchand; trois sergens.

THOMAS

L'on dit bien vray que pour faire plaisir on reçoit souvent desplaisir, et pour prester à un mauvais rendeur, d'un aniy on en fait un ennemy. Je le cognois clairement i)ar moy-mesme, qui n'avois un meilleur amy que le capitaine Rodomont. Avant que je luy eusse'baillé à crédit de ma marchandise, il avoit àccoustumé de me venir voir fort souvent; mesmes il venoit par fois manger et boire en ma maison, et estoit la plus grande part du jour en ma boutique à deviser avec moy ou avec ma femme. Mais depuis un an en çà que je le fis adjourner en recognoissance de cedule', et qu'il fui dit par sentence du prevost de Paris que les quatre moys passez il seroit contraint par corps, tant s'en faut que nous soyons amis que au contraire il me menace de me tailler en pièces et de me faire passer son chi'val sur le ventre. Mais je ne le crains pas, Dieu mercy ! d'autant que je sçay bien qu'il y a plus de bravcrie en son fait que d'hardiesse, et aussi que nous sommes en une ville où la justice règne. J'ay esté adverli par un de mes valets qu'il estoit entré au logis de (iirard et ([u'il parloit d'y disner. Je serois bien de mon pays si je perdois ceste opor-

1. Kn reconnaissance de l'obligation qu'il avait sijnde pour sa <iett.-.

tunité de le faire payer ou de le mener en prison. Partant, mes amis, je le vous recommande ; guettez-le icy au passage, et ne plaignez vos peines de l'attendre plustost jusques à la nuict, car je vous contenleray bien.

SERftENS.

Monsieur, il nenous eschappera pas, mais à quoy le recognoistrons-nous ?

THOMAS

Vous le recognoistrez à ses grandes moustaches noires, retroussées en dents de sanglier, et à un grand abreuvoir à mouches qu'il a sur la joue gauche ; et puis il meine ordinairement après luy un laquais habillé de verd et assez mal chaussé.

SERC.ENS.

C'est assez dit : retirez-vous.

THOMAS

J'ayme mieux attendre un peu et vous le monstrer quand il sortira, de peur qu'il n'y ail abus. Mais j'entens que l'on ouvre la porte de Girard. Le voylà qui sort, .\ussi tost qu'il aura la teste tournée, ne faillez de vous ruer sur luy. Je vay ce temps pendant vous faire apresler la collation.