SCÈNE III

BASILE, seul.

J'ay eu du plaisir pour plus de dix mille francs de voir ce fendeur de naseaux si empesché au millieu de ces sergens qui le veulent, comme je croy, mettre en cagepourapprendre à parler. Mon Dieu! qu'il filoit doux! qu'il faisoit le courtois et gracieux ! N'estoit que je l'ay recognu à sa balafre, je n'eusse jamais pensé que ce fust !uy, et qu'un homme de faction, qui a accoustumé de manger les charrettes ferrées ',se fust laissé dévaliser par trois pauvres malotrus de sergens. Vrayement, il avoit bien affaire de se faire si brave aujourd'huy pour aller à telles nopces.Mais,àpropos, quand j'y songe, il estoit habillé comme moy. Je vais gaiger bonne chose qu'il avoit sceu mon entreprise, et qu'il avoit délibéré de me prévenir. C'est cela sans doute, et pense que Eustache n'avoit envoyé requérir son habit que pour l'en accommoder, car j'ay sçeu de son laquais qu'ils disnoient ensemble. Or j'ay bien délibéré de prendre l'ocasion au poil, puisque mon bonheur m'a tant favorisé que de m'avoir osté cest empeschement, qui, à la vérité,' n'eust esté petit, si ce grand pendart fust entré avant moy, ainsi qu'il luy eust esté bien aisé sans ces sergens, à qui Dieu doint bonne et longue vie.