FR^VXÇOISE, BASILE, PERRETTE, GENEVIEFVE
FliANÇliISE.
Et bien ! que vous en semble? vous voyez maintenant si j'ay dit vray.
Hastons-nous pendant que la commodité se présente et qu'il fait desjà assez obscur. Antoine, fais le guet cependant que je vay heurter à la porte. Tic toc tac.
PERRETTE
Qui est là?
BASILE
Pcrrettc, m'amic, je te prie, ouvre-moy la )iorle.
l'ERRETTE.
Est-ce vous. Monsieur ? Mananda, je suis bien marrie que je ne puis. Madame a emporté la clef.
BASILE
IS'y a-il point de moyen de parler à ta maistresse ?
PERRETTE
Si a bien, mais ce ne sera que par ceste fenestre.
BASILE
Ce m'est tout un, pourveu que je puisse avoir l'heur de la voir et de luy dire trois ou quatre
mots.
PERRETTE
Ayez donc un peu de patience, que je l'aille quérir en sa chambre, où elle s'est retirée pour pleurer et gouverner ses pensées mieux à son aise.
TURNÈBE
BASILE
Despesche-toy. 0 ! que je suis un homme misérable d'avoir esté cause que ceste pauvre fille soit tombée en la maie grâce de sa mère pour aymer trop ardamment ! Il ne sera jamais en ma puissance, quand je vivrois jusques à la fin du monde et que je possederois tous les honneurs et richesses de l'univeis, d'acquiter la centiesme partie de l'obligation qu'elle a sur moy, si ce n'est qu'il luy plaise de prendre pour argent contant ma bonne volonté et le ferme amour que je luy porte, lequel je sens d'heure en heure croistre dans mon cœur, et avec ses traits d'or y engraver en cent endrois le beau portrait de ma belle Geneviefve. 0 Dieu ! que je fus abusé quand je pensay que ma passion amoureuse prendroitquelque relasche par la jouyssance, tout ainsi que la fain s'apaise par les viandes, la soif par le boire, et le froid par un beau grand feu! Au contraire, ayant descouvert tant de beautez et douceurs, auparavant incognues à mes sens, je brusle maintenant d'un ardent désir de les posséder, lequel ne me laisse en repos, pour la crainte que j'ay qu'on ne me les ravisse, ainsi qu'un avaricieux qui, ayant peur qu'on ne luy desrobe ses escuz, passe et repasse cent fois en un jour autour du lieu où ils sont ensevelis ; et quand il en est absent, son cœur neantmoins ne laisse d'estre avec son thresor.
FftAXr.OISE.
Vrayment, vous avez grand tort de vous tourmenter de la sorte, maintenant que vous avez occasion de vous resjouir. Mais escoutez... je l'entens venir.
BASILE
0 mes yeux ! repaissez-vous goulûment de ceste douce lumière qui sort des siens, et vous, mes oreilles, escoutez attentivement ceste voix angelique, et ne perdez une seule parole de ceste belle bouche.
GEXEVIEFVE.
Perrette, il m'est advis que j'entsns qucicun parler là-bas. Ouvre la fenestre.
BASILE
Madame, je prie à Dieu qu'il vous veuille rendre contente.
GENEVIEFVE
Monsieur, je le prie qu'il luy plaise vous donner ce que vostre gentil cœur désire, car je seray assez contente si vous Testes.
BASILE
.le suis maintenant assez content, puis que j'ay riu'ur (le vous voir; mais aussi tost que je vous auray perdu de veuë, je demeureray plus estonné et confus que celuy qui, en une nuict d'hyver, chemine par mauvais pais, le vent luy ayant estaiiit sa lumière.
GEXEVIEEVE.
Si ce que vous dites est vray, je désire de pouvoir entrer dans vos yeux sans vous faire mai, et y ileuieiii'er pi'r|M'lui'lleiiu'iil, à celle lin que vous
soyez tousjours content, voyant devant vous celle qui ne vil d'autre viande ' que du souvenir de vos perfections.
BASILE
Vous faites donc une maigre chère, si vous vous repaissez seulement de mes perfections; mais si vous eussiez dit de l'amour que je vous porte, je n'eusse lors craint de dire que vous ne sçauriez estre nourrie d'une viande plus exquise. Et m'en pouvez hardiment croire, comme celuy qui aynie la plus belle, la plus gentille dame qui soit en l'univers.
GENEVIEFVE
Cela procède de vostre grande courtoisie, d'aymer ainsi celle qui tient à grande faveur de vous estre humble servante; mais je puis dire aussi que vostre amour n'est point plus extrême que le mien, et, n'estoit que je crains d'offencer mon seigneur et maistre, je dirois que je ne pense pas estre aymée de la façon que je vous ayme.
BASILE
Madame, quant est de l'amour que je vous porte, je dis que vous devez estre plus asseurée de mon amour que moy du vostre, d'autant que vostre beauté est suffisante non seulement d'attirer les hommes à soy, mais elle peut forcer mesmes les bestes les plus cruelles. D'autre costé, vous sçavez comme je vous suis obligéi principallement pour les récentes faveurs que de vostre grâce vous m'avez départies. Mais, je vous prie, comment puis-je estre asseuré d'estre justement aymé de vous, n'ayant chose en moy qui mérite d'arrester vostre affection, et n'ayant jusques icy fait chose qui vous puisse exciter à m'ayraer, combien que à la vérité je pense estre assez bien voulu de vous, tant pour vostre douceur et gentillesse que pour l'envie que vous sçavez que j'ay de m'employer à vostre service quand l'occasion se présentera, et qu'il vous plaira m'honorer de vos commandements.
GENEVIEFVE
Mon grand amy, je vous remercie bien humblement de ceste ofl're si libérale ; seulement je vous prie, sur tous les plaisirs que vous me voudriez faire, de parler à ma mère le plus tost que vous pourrez, ou luy faire parler par vos parens et ainys, et mettre ordre que le mariage de Rodomont et de moy ne se face.
BASILE
Je le feray, n'en ayez doute. Cependant je vous prie de ne vous contrister de chose que vous oyez. J'espère mettre si bon ordre à tout, que ce beau balafré, au lieu de vous, ne" trouvera que du vent entre ses bras. Au demeurant, vous n'avez occasion de craindre que vostre mère luy en parle, maintenant qu'il est prisonnier en la Conciergerie ou au Chastelet, que je ne mente.
! . r.e mot se prenait alo
cuninu'le victtts lalin, d'o
absolu de nourriture,
LES CONTENS, COMÉDIE
GENKVIEFVE.
Mon Dieu, que vous me l'aictes aise de me dire telles nouvelles ! Mais en estes-vous bien asseuré?
BASILE
Je l'y ay veu mener par trois sergens, qui l'ont pris cestc après dinée, près de vostre logis, un peu devant que je vous eusse espousce.
GENEVIEFVE
Monsieur, excusez-moy si je ne vous puis tenir plus long propos. Je croy que ma mère reviendra incontinent, car elle n'est allée loing.
Je serois bien marri qu'elle m'eusl veu parler ù vous avant que ce trouble-ey soit appaisé. Adieu, Madame.
GENEVIEFVE
Adieu, Monsieur. Je vous prie de vous souvenir de la promesse que vous m'avez faicte. Perrette,
fe'rme la fenestre.
BASILE
Madame Françoise, nous avons assez esté en ce lieu.
FRANÇOISE
Retirons-nous en mon logis.
BASILE
Je le veux bien. Antoine, je te prie de ne bouger d'icy, et de prendre garde soigneusement à ce que tu verras ou entendras dire de mov.
