SCÈNE VI
BASILE, ANTOINE, LOlVSE, GIRARD, ALFONSE, RODOMONT.
Es-tu bien asseuré que Louyse a tout sceu ?
A-\TOINE
Je ne le dirois s'il n'estoit vray.
BASILE
Et que j'avois esté vcoir sa fille '?
ANTOINE
Vous vous en pouvez asseurer.
BASILE
Et que je suis eschappé, laissant Alix en ma place ?
ANTOINE
Elle le fçait aussi bien que vous et moy.
BASILE
Mais dy-moy qui lui a dit?
ANTOINE
Le capitaine cl nirard.
IIASII.K.
Ne s'en est-elle point autreiueul courroucée contre mov?
ANTOINE
Si est bien, mais enfin elle a esté appaisée par Girard, auquel elle a promis de vous donner sa fille si vous luy faites cesl honneur que de la prendre.
Comment ! cest honneur? Pense-t-elle que je sois homme pour refuser un offre si à mon advantage ? Allons les trouver plustost aujourd'huy que demain, de peur qu'elle ne change d'opinion.
ANTOINE
Nous n'avons que faire d'aller loing : les voilà devant vous.
BASILE
Bon soir. Madame; bon soir, Messieurs. J'ay esté adverty que vous aviez envie de parler à moy pour une chose qui ne m'importe rien moins que de la vie. Je vous prie me faire ce bien que de me commander, et vous verrez si puis après je seray prompt à vous obeyr.
LOUYSE
Basile, je vous avois jusques icy estimé homme sage ; mais la faute que vous avez faite monstre bien le contraire. Remerciez hardiment ces messieurs de ce qu'ils ont tant fait envers moy, que je n'ay délibéré de punir autrement vostre ofifence que de vous condamner à vivre avec celle qui est des complices de vostre mesehauceté ; de laquelle, si vous eussiez esté si amoureux que le bruit couroit, vous n'eussiez pas entrepris de ravir l'hon neur, comme vous avez fait.
BASILE
Madame, toute la faute que j'ay faite a esté en ce que je n'ay point attendu vostre consentement, ainsi que je devois; mais je vous puis dire que je n'ay point ravi l'honneur de vostre fille, d'autant que j'estime son honneur estre le mien propre, puis qu'il luy a pieu m'accepter pour son mary ; et, s'il vous plaist me recognoistre pour tel, j'espère vous faire paroistre un jour, par mes bons services, que vous ne pouviez eslire un meilleur gendre, quand bien vous eussiez cherché par tout Paris.
LOUYSE
Je suis marrie seulement de la sorte dont vous y avez procédé.
BASILE
Madame, quand vous aurez bien pesé les raisons d'une part et d'autre, vous aprouverez ce que j'ay fait. Il vous peut souvenir qu'il y a plus d'un an que je suis après pour faire ceste alliance aux conditions que vous m'avez olTertes autrefois; vous sçavez que j'ay perdu ma peine, et que n'y avez jamais voulu entendre. D'autre costé, vous vous estes bien peu apercevoir, si vous n'estiez du tout aveugle, de l'affection que vostre fille me portoil. Je vous demande maintenant, qu'cussé-je peu faire autre chose, pour m'asseurer, que ce que j'ay fait? Devois-je attendre vostre parolle, laquelle vous ne m'eussiez jamais doiiiiée ? Devois-je attendre qu'un auliv prisi la ]ilac(', et [luis me fermast la porte au
LES CONTENS, COMÉDIE
liez? Madame, je vous prie de considérer de près loules ces raisons, et vous cognoistrez que mon dire est fondé sur quelque raison apparente.
GIRARD
Ma commère, vous avez tort de tant contester avec Basile ; recevez-le hardiment pour vostre gendre, puis que Dieu l'a marié avec vostre fille.
LOUYSE
.le serois bien marrie de vous contredire.
Puis que Dieu a permis que les choses se fissent ainsi, ce ne seroit bien fait de penser les corriger.
BASILE
.Ma mère, vous ne vous repentirez point d'avoir l'ait alliance avec moy ; et, puis que je vous trouve si bénigne en mon endroit que de me pardonner une faute qui, à la vérité, de prime face, semble bien grande, asseurez-vous que vous n'aurez pluslost aujourd'huy donné un mary à vostre fille que acquis un humble serviteur pour vous.
