AUGUSTIN, BETA

AUC.USTIN".

Qa'est-ce que j'ay veu ? qu'est-ce que j'ay ouy ? Que n'estoy-je sans veux, sans aureilles ! Pourquoy me suis-je tant hasté pour trouver ce que je ne cherchois point, pour entendre ces beaux mots que Beta a dit à ce galand : A demain ! à demain ! Ce n'est pas sans quelque menée, puisque cest homme de bien, Gaster, est de la partie : c'est à luy qu'elle parloit. Ne suit-il pas ce gentil-homme espaignol qui faict tant de profession d'aymer? Il me semble que ouy. Je l'ay veu souvent aveeques luy. Ha ! c'est cela, j'en ay tout du long; il ne me falloit autre chose pour m'achever de paindre !

BKTA.

Je croy que voilà le seigneur Augustin qui vient en çà pour entendre ma responce ; aussi est-ce. 11 est lousjours triste et pensif; je le feray bien aise à ceste heure, quand je luy diray les bonnes nouvelles que je luy porte.

AUGUSTIN

0 nieu ! qu'estrange est ma fortune ! En lieu de sortir de la peine d'amour par jouissance, j'entre au tourment de jalousie pour souffrir encores plus.

BETA

Qu'est-ce (luil dict de jalousie? Il me faut un peu escouter ceey ; il me semble que ces propos s'adressent à nous : ce sont pierres jetées en noslre jardin.

Al'f.rSTIN".

N'estiiit-rc pas assez d'un mal, sans en avoir deux?*) An-eliqur! tu es bien née en ce monde pour me lourmcnler! J'esliinois que ton relus pro-

cedast de chasteté et d'amour que tu portasses à ton feu mari; mais j'estois bien loing de mon compte !

BETA

Qu'est-ce qu'il veut dire ? Auroit-il bien entendu quelque chose ?

AL'GI'STIN.

C'est pour ce que ton amour estoit en un autre ; je le cognois maintenant à l'assignation.

BETA

J'ai peur qu'il ne m'aie veu parler à Gaster, et en ait pris quelque martel de quoy vienne son malcontentement. Je m'en vois droict à luy, et luy osterai, si je puis, ceste opinion... Or, sus, seigneur Augustin, chassez de vostre teste toute fascherie, je vous porte aussi bonnes nouvelles que les sçauriez souhaiter : ma maistresse m'envoie devers vous, et se recommande à vostre bonne grâce, et vous prie que la veniez voir; elle n'est plus ennemie de l'amour comme elle souloil, mais se tient du tout vaincue, cl vous aime uniquement.

AUGUSTIN

Ha Beta! que dictes-vous?

BETA

La vérité.

AUGUSTIN

Elle m'aime?

BETA

Plus que je ne sçauroys exprimer.

AUGUSTIN

Or fust-il ainsi!

BETA

Ainsi est-il.

AUGUSTIN

Je n'en crois rien.

BETA

Et pourquoy ?

AUGUSTIN

Pour ce que j'ai veu le contraire.

BETA

Et qu'avez-vous veu?

Elle en aime un aullre.

BETA

Ha Dieu! ostez cela de vostre fantaisie!

AUGUSTIN

Je le sray pour certain.

BETA

Et comment ?

AUGUSTIN

Je le vous diray.

BETA

Dictes doncques ; je suis bien asseurée qu'il n'en est rien, et que ce ne sont que toutes rcsveries ([ui entrent aux cerveaux de vous aultres jeunes

LES NEAPOLITAINES, COMÉDIE.

gens, et vous semble souvenic foys ouyr ce que vous n'oyez point, et voir ce qui n'est, ny ne fut oncques, ny ne sera.

AUGUSTIN

Ha! pleust à Dieu qu'il fut ainsi! Mais j'ai trop veu et trop ouy : les pauvres amoureux, Beta, ont les aureilles grandes et les yeux qui voient cler et de loing, de sorte qu'ils entendent souvent ce qu'ils ne vouldroieut poinct, conirtiej'ay fait venant icy.

BETA

Enquoy?

AUGUSTIN

N'ay-je pas veu un homme qui parloit .à vous?

BKTA.

Il est vray.

AUGUSTIN

Qui est-il ?

BKTA .

C'est un homme de ceste ville.

AUGUSTIN

Où se tient-il ?

BETA

Icy près.

AUGUSTIN

Avecques qui?

BETA

Avecques un gentilhomme espaignol.

AUGUSTIN

A! velà le poinct. Comme a-il nom?

BETA

Attendez... Ma foy, je ne le sçay guères bien.

iN'cst-ce pas Gaster l'Extravagant?

BETA

Je croy que ouy.

AUGUSTIN

Jean, c'est mon comte. Or, quelle assignation luy avez-vous donnée-à demain?

BETA

Ha! seigneur Augustin! est-ce là ce qui vous trouble ainsi ? Est-ce l'occasion d'où procède vostre fascherie ? C'est peu de chose.

AUGUSTIN

Que m'appelez- vous peu de chose?

BETA

Ouy : car l'affaire ne va pas comme vous pensez; je vous en cnnteray la vérité, et quand vous entendrez le tout, ji' suis certaine que vous senv. content.

AUGUSTIN

A grand peine.

BETA

Si serez; vous le verrez.

AUGUSTIN

Or, sus donc; je vous prie, contez-le nioy.

Cest Espaignol avec lequel est l'homme à qui j'ay parlé est d'une grande maison, et a de riches parens.

AUGUSTIN

C'est mauvaise nouvelle pour moi.

BETA

Son père se tient à Naples, là où cestuy-cy a demeuré longuement.

Encores pis.

BETA

Et ayant entendu que ma maistresse estoit de ce païs-là, il a souvent cherché les moiens de parler à elle et prendre sa cognoissance.

AUGUSTIN

Ce qu'il a fait.

BETA

Non a, non; oyez, si vous voulez, la fin.

AUGUSTIN

Or dictes.

BETA

11 m'a souvent fait dire, ainsy que j'allois par la ville pour le service de ma maistresse, qu'il avoit faict si bonne chère à Naples, et y avoit receu tant de plaisir, qu'il aymoit comme ses propres frères ceulx qui en estoient, prenant grand plaisir quand il en Irouvoit quelqu'un, et plusieurs autres belles parolles, me faisant faire tout plein de promesses.

J'entends bien : il fut pris au mot.

BETA

Elle n'en a jamais tenu compte ny n'a voulu son accointance, et a tousjours cherche quelque defaicte; maintenant j'ay trouvé son homme, qui me parloit de cela, et pour me dépêtrer bien tost de luy et vous venir trouver, ne aiant à ceste heure autre moïen, je l'ay remis à demain pour luy faire responce si son maistre la pourroit venir voir ou non, et alors on trouvera quelque autre excuse.

AUGUSTIN

Pleust à Dieu qu'il en allast ainsi !

BETA

Ma f<\v,je vous ay conté ce qui en est.

AUGUSTIN

Je le désire lanl, Beta, m'amie, que je ne le puis croire, et crains grandement i|u'elle ayine rest Espaignol, et, l'aymant, qu'elle ne me puisse aimer. L'amour ne se peut porter eu deux, et si ne peut soufrir compagnie. 0 divine Angélique! si vostre affection esloit esgalle àlamienne, je serois bien hors de ceste peine !

BETA

Esgalle est-elle pour le moins, et pense, s'il y a du plus, qu'il est de son coslé, d'autant (pie les femmes aiment plus airectueuscment et ardemment que les bonnues.

FRANÇOIS D'AMBOISE

Ai:r.usTi.\'.

Ce n'est pas en mon endroict.

BETA

Quelle opiniastreté ! Il vous faudra quelque bonne preuve pour le vous faire croire. Depuis quand est-ce qu'à Paris on ne veut faire crédit que sur bon gage? Laissons doneques les paroles, et allons vei-s la seignore, qui vous en asseurera par effect.

Al'GUSTlX.

Y dois-je aller, Beta, ma grand amie? A quoy m'en dois-je tenir? Car les paroles sont femelles et les elTects sont masles.

BETA

Mais Haslons-nous : il envie tant à qui attend!

AUGUSTIN'

Il me semble que je l'ay entrevue à la fenestre. 0 ! le doux fare ' de mes yeux !

BETA

Peut bien estre : elle regarde si nous venons.

AUCUSTLV.

C'est un grand cas; si tost que de loing je l'ai veiie, un frisson m'a pris, de sorte que je tremble tout.

DETA.

Ayez bon courage: quand vous serez près d'elle cela vous passera, vous trouverez du feu qui chassera ce froid; mais il vaut mieux que je me mette devant, et vous attendray à l'huis, afin qu'on ne nous voie entrer ensemble.

AUGUSTIN

.\llez doneques. Je vous suis pas à pas.