I.dVS

Ne vous souciez, Monsieur, et ne pensez les choses mauvaises avant qu'elles adviennent; attendez ce qu'amour et le temps vous apporteront de bien

ou de mal pour vous resjouir ou endurer selon les occurances. On dit que le sage suit le temps. Ma bourse est aplatie comme une punaise, son apostume ' est crevée.

AUGUSTIN

Mais quel remède penses-tu, Loys ?

LOYS

Si les amis de vostre père vous faillenl, il vous faut aider des vostres.

AUGUSTIN

Je n'ay que de mes compagnons, jeunes gens qui dépendent comme moy.

LOVS.

Je me suis advisc d'un de qui vous ne penseriez point.

AUGUSTIN

Et qui ?

LOYS

Le jeune Neapolitain, qui est eschollier et se tient avec vostre jeune frère au collège des Lombards *.

AUGUSTIN

Qui ? le seigneur Camille ?

LOYS

Ouy.

AUGUSTIN

Et que peut-il faire pour moy? il est eschollier, • il est estranger et loin de son païs.

LOYS

Vous l'avez quelquefois secouru d'argent et de dras de soye pour l'amour de vostre frère, et luy avez faict bonne chère chez vous.

AUGUSTIN

Il est vray.

LOYS

J'ay sceu par un banquier qu'il a receu une bonne somme de deniers : je suis seur qu'il vous en fera part. Il est honneste gentil-homme, et vous ayme bien; davantage, il est du païs de la seignore : il sera fort aise de la cognoistre, et elle luy. Jeunes gens preignent plaisir à telles accointances, et elle sera bien contente de voir un gentilhomme de sa nation. Il a l'esprit bon et vous sçaura bien aider à vous entretenir en sa bonne grâce, et obvier aux empeschemens qu'on vous y pourroit donner. Le langage et le païs ont une grande force pour faire beaucoup de choses pour les amis, et si il vous pourra servir d'escorte, s'il vous faut venir aux mains avec ce Marrane.

AUGUSTIN

Tu dis bien vray, voire; mais je crains que, evilanl un inconvenienl, je n'entre en un aulie, et ([iK^ me voulant sau\er de la poésie, je w tombe eu un brasier.