ACTE I, SCÈNE II

père ny mère ; quant à son bien, elle est riche, àce que j'ay oy dire, mais je n'en sçay autre chose. Toutesfois il faut penser qu'il y en a, autrement ces nonnains n'en seroient tant soigneuses.

mLAlRE.

C'est assez; escoute : conseille Fortuné laisser ceste poursuite, qui n'est ny belle ny honneste, et luy remonstre que, s'il se veut marier, les femmes ne luy manqueront point.

FRONTIN

Si feront bien, s'il n'a ceste-cy, qu'il ayme sur toutes choses.

HU^AIRE

Je verray si tu y feras ton devoir.

FRONTlN.

Pour vous obeyr, je feray ce que je pourray ; mais je crain bien que je ne travaille en vain.

HILAIRE

Je vas jusques au Palais; fay qu'à mon retour le disner soit prest.

FRONTIN

Aussi feray-je. 0 ! quel bon père est cet homme de bien ! Je pense que, s'il pouvoit, il la retireroit luy-mesme de religion pour la mettre aux costezde Fortuné, et que, s il sçavoit le tourment qu'il souffre pour elle, qu'il mourroit de regret. Aussi, pour dire vray, le pauvre jeune homme craint scandaliser la fille, le couvent et luy-mesme tout en un coup, d'autant qu'elle est grosse de son fait, et si preste d'enfanter qu'elle n'attend que l'heure; et, qui pis est,nepeulttrouvermoyenIa tirer de là dedans ou la faire secrètement accoucher. lime dict lousjoursque j'y pense et repense; mais il est besoin qu'il y pense et repense luy-mesme, et face en sorte qu'iln'aità s'en repentir. En forgeant on devient fèvre '. Dieu soit loué qu'il n'a affaire à un homme tel que Severin ! Mais, à propos de luy, Urbain doit estre encores après son Rumn; il ne se souvient de retourner au village; si son père s'en aperçoit, il fera une telle tempeste qu'il estourdira toute la parroisse. Mais voicy le gallant.