ACTE I, SCENE V

folir les hommes que l'amour. Urbain est autant sage qu'autre qu'on puisse trouver; neantmoins, il est maintenant tant aveuglé qu'il ne sçait qu'il faict. II est venu du village au desceu de son père, qui est si fascheux que le pauvre jeune homme n'oseroit toucher, ains seulement regarder une femme entre deux yeux. Or, devinez donc qu'il fera s'il sçait qu'il est icy venu pour faire la desbauche. Il le voudra estrangler. D'avantage, il a promis dix escus à ce maquereau pour lui faire avoir ceste fille; ce luy est, autant possible que prendre la lune aux dents, s'il ne les desrobbe, car il n'a pas un liard, et lui semble avoir bienasseuré ses all'aires quand il dit que j'y pense; mais il doit penser que, si mon maistre ne m'avoit commandé le servircomme luy-mcsmes,je ne sçay que je ferois. Voilà, je sème mes peines et travaux, et un autie en recueille le plaisir et contentement. Mais voicy mon maistre : il me tancera, pour-ce que je n'ay pas esté où il m'envoyoit, et je luy diray que si ; il me croira s'il veut j sinon, qu'il y aille veoir.