RUFFIN, SEVERIN

RUFFLV.

Il avoit bien trouvé son niais, pardieu! il me doibt dix escus, et il en vouloit avoir vingt des miens.

Que dict cestuy-cy d'escus ?

RUFFIN

Je luy tiendray ma promesse, qu'il s'en asseure. On m'a dict que Severin est en ceste ville; je le vay chercher pour me plaindre à luy, et m'asseure qu'il me fera bailler de l'argent.

SEVERIN

Que diable veut-il dire de Severin, et d'argent ? Dieu me soit en aide!

RUFFIN

Allez, fiez-vous désormais aux personnes! Je ne le feray de ma vie : il n'est que de tenir son asne par le chevestre •. Mais quant à cecy, j'en suis autant asseuré que si j'avois gaiges; il est vray que j'en seray payé sur le tard.

SEYKRIN.

Cestuy me brouille la fantasie ; je n'enten point ce qu'il veut dire. 0 pauvre Severin ! chacun te court sus.

RUFFIN

Je ne sçay si c'est icy Severin ou un qui lui resemble ; c'est luy-mesme. A la bonne heure vous ay-je recogneu.

SEVERIN

Pourquoy ? que veux-tu de moy ?

RUFFIN

Chose juste et raisonnable.

SEVEIUN.

Dy donc que c'est.

Ce matin vostre fils Urbain est venu en mon logis.

SEVERIN

Dis- tu Urbain?