ACTE IV, SCÈNE III

FORTUNÉ

C'est une fort belle fille ; celui qui l'a faict avoir à Urbain m'a dict qu'elle est de ccsle ville , et qu'après la mort de sa mère, son père, qui estoit de la religion*, voyant recommancerles troubles pour la quatriesme foys, se retira à la Rochelle*, laissant ceste fille en la garde d'une sienne parente, à laquelle il la recommanda, la priant en avoir soin comme de ses propres enfans, et que, s'il plaisoit à Dieu le ramener jamais en ceste ville, qu'il recognoistroit les plaisirs qu'elle luy auroit faicts. Or il y peut avoir deux ans dont le parle que ceste fille est demeurée en la garde de ceste parente, qui se tient en la mesme rue où demeure ce bon l'rippon de Rufûn. Advint un jour que mon frère, passant par là, vid Feliciane (ainsi a nom la fille) sur le pas' de l'huys de la maison, se jouant avec ses compagnes, laquelle lui pleut tant que dès lors il en devint si fort amoureux que depuis il n'a cessé de chercher les moyens comme il en pourroit joyr. En fin, se souvenant de Ruffin, qui est homme de plaisir, s'advisa l'employer, se persuadant qu'à cause du voisinage il pourroit faire quelque chose, comme il a faiclj toutesfois avec les plus grandes peines du monde, tellement que, jusques aujourd'hier, Urbain ne pouvoit encoresqu'en espérer; neantmoins, ce galant de Ruffin, pour gaigner dix escuz qui luy estoient promis, y employa si bien tous ses cinq sens, et a tellement poursuivy sa batterie, que finablement la fille s'est rendue à composition, de mode qu'il l'a aujourd'huy livrée entre les bras de mon frère.