ACTE I, SCENE VII

avez envie que le mariage de vous et d'Euslache soit rompu.

GENEVIEFVE

Vous le pouvez asseurer que jamais Eustaclie n'aura part en moy.

FRANÇOISE

M'amie, je vous en croy; mais Basile ne le peut croire quand je luy dis : il faut qu'il le sçache de vous-mesme.

GENEVIEFVE

Et bien donc, je luy feray sçavoir par lettres.

FR-^NÇOISE.

Ne cherchez tous ces eschapatoires ; il faut qu'il parle à vous aujourd'huy en vostre maison, quoy qu'il couste, ou vous luy pouvez bien dire adieu pour tout jamais.

KIVELET.

Voyez comme ceste vielle sçait bien prescher, et avec quelle audace ! je vay gaiger mes oreilles à couper qu'elle ne cessera tant qu'elle l'ayt convertie.

GENEVIEFVE

Voire, mais je crains...

FRANÇOISE

Vous estes une hardie lance, de craindre vos amis.

GENEVIRFVE.

Ce n'est pas cela : je crains que quelcun de nos voisins ne le voye entrer ou sortir.

NIYELET.

La pauvre Glle ! elle n'a peur que de l'entrée et de la sortie, car elle seroit bien aise qu'il fust tousjours dedans.

FRANÇOISE

M'amie, nous avons remédié à tout cela. Il viendra habillé de l'habit qu'Eustache luy presta hier au soir, et se couvrira la face du bout de son manteau pour n'estrc recognu ; si bien que si on le voit de fortune i, on pensera incontinent que c'est Kustache, lequel on a veu plusieurs fois entrer en voslre maison, à cause du voisinage; et, pour mieux donner le fil, il sera bon qu'il se retire au logis d'Eustache quand il sortira de chez vous.