ACTE II, SCENE YII

EUSTACHE

Il n'en estoit point de besoing.

GENTILLY

J'ay trouvé en chemin monsieur vostre père, qui m'a dit qu'il ne reviendroit disner à la maison, et qu'il s'en alloit jusques à Charenton.

EUSTACHE

Ne t'a-il dit autre chose ?

GENTILLY

Non, Monsieur, sinon qu'il est bien marry qu'il n'a faict ce qu'il pensoit.

EUSTACHE

Et moy, tout au contraire, j'en suis bien aise. Seigneur Rodomont, puis que vous voyez que nous ne pouvons avoir mes habis, je m'en vay envoyer quérir ceux-là du cousin, qui sont tout de mesme les miens.

IlODOMONT.

Je vous en supplie bien humblement.

EUSTACHE

. Gentilly, va-t'en chez mon cousin René, et luv dis que je le prie bien fort qu'il m'accommode, pour une heure ou deux, de son pourpoint et chausses de satin incarnat ^ et de son manteau de taftas*, et qu'il te les baille tout à ceste heure.

GENTILLY

Bien, Monsieur.

EUSTACHE

Entrons ce pendant, car je voy venir vers nous une femme encappée que je pense cognoistre.