ACTE II, SCENE Y:I. âSl

■que je disois, je vins à muer de chance et luy dire que Geneviefve estoit la plus vertueuse fille de Paris, et qu'elle le monstroit bien : car, encores qu'elle eust une mamelle toute mangée de chancre, si est-ce qu'elle portoit son mal avec telle patience, que personne ne s'en estoit jamais aperceu.

BASILE

A ce coup, vous m'avez resuscité. Et bien! que dit-illà-dessus?

FRANÇOISE

Je le vy à l'instant changer de couleur, demeurer muet et enfoncer son chapeau sur les yeux, par lesquels signes je cogneu clairement que l'amour commençoit desjà faire place à la haine : car bien tost après il me dit adieu, et ne daigna aller trouver son père qui l'attendoit chez Louyse, encores qu'il luy eust enchargé de ce faire.

BASILE

0 madame Françoise ! vous estes la plus galante femme de France, si Eustache a creu ceste fable si bien inventée !

FRANÇOISE

Asseurez-vous qu'il l'estime vraye comme évangile. Mais avez-vous avisé à ce que je vous ay mandé par Antoine?

BASILE

Je n'ay garde de faillir à l'assignation.

FRANÇOISE

C'est assez dit. Retirez-vous doncques, de peur <iue quelcun ne vous voye parler à moy.

BASILE

Vous plaist-il pas venir disner chez moy ?

FRANÇOISE

Allons, j'en suis contente.

BASILE

Je vous prieray de me raconter une autre fois toute ceste histoire, tant j'y prens plaisir. J'avois proposé d'aller faire un tour chez Eustache, mais je croy qu'il est maintenant à table. 11 vaut mieux remettre mon voyage à une autre fois.

tSt LES CONTENS.