ACTE \, SCÈNE III. iii

que dame Alix soit de ce nombre. Mais vous faictes bien, en ce cas icy, de craindre et prendre tousjours les choses au pire.

LOUYSE

Voylà pourquoy je suis bien délibérée de marier ma fille à ce capitaine qui luy faict la court, et qui a le bruit d'avoir beaucoup de bien, avaut que le monde soit abruvé de ceste histoire. Je sçay que Girard est de ses amis, et, partant, allons le trouver pour luy en faire porter la parolle.

AI.FONSi:.

Je ne trouve pas bon que Girard s'en mesle.

LOUYSE

Pourquoy ?

ALFONSE

Pour autant qu'il vous en a prié autrefois pour son fils, et j'aurois peur que maintenant il nous list un faux-bon, et qu'il la voulust encores faire avoir à Euslache.

LOUYSE

J'ay bien pensé à ce que vous dites ; mais quand bien il la voudroit retenir pour Eustache, je n'en serois pas trop marrie. Au reste, je le pense tant homme de bien et tant de mes amys, qu'il taschera à faire que Rodomont espouse Geneviefve, s'il voit que son fils n'en vueille point.

Vous voulez dire que vous avez deux cordes en vostre arc. Ce n'est pas trop mal avisé. Entrons en >a maison, puisque la porte est ouverte.