ACTE V, SCENE IV

J'e?père mettre si bon ordre à tout, que ce beau balafré, au lieu de vous, ne trouvera que du vent entre ses bras. Au demeurant, vous n'avez occasion de craindre que vostre mère luy en parle, maintenant qu'il est prisonnier en la Conciergerie ou au Chastelet, que je ne mente.

GENEVIEFVE

Mon Dieu, que vous me faictes aise de me dire telles nouvelles ! Mais en estes-vous bien asseuré ?

Je l'y ay veu mener par trois sergens, qui l'ont priscesteapres-dinée, près de vostre logis, un peu devant que je vous eusse ëspousée.

GEiNEVIEFVE.

Monsieur, excusez-moy si je ne vous puis tenir plus long propos. Je croy que ma mère reviendra incontinent, car elle n'est allée loing.

BASILE

Je ^erois bien marri qu'elle m'eust veu parler à vous avant que ce troubîe-cy soit appaisé. Adieu, Madame.

GENEVIEFVE

Adieu, Monsieur. Je vous prie de vous souvenir de la promesse que vous m avez faicte. Perrette, ferme la fenestre.

BASILE

Madame Françoise, nous avons assez esté en ce lieu.

FRANÇOISE

Retirons-nous en mon logis.

BASILE

Je le veux bien. Antoine, je te prie de ne bouger d'icy, et de prendre garde soigneusement à ce que tu verras ou entendras dire de moy.