ACTE I, SCENE III. 3S

un gentilhomme où estoient assemblées plusieurs dames aussi belles que j'en aye veu en ceste ville, et quand j'entray elles.se levèrent toutes; je les baisay l'une après l'autre, et je m'assis parmy elles, puis commençasmes à deviser et tenir propos de plusieurs choses; il me sembla bien qu'il y enavoit une des plus belles qui eut tousjours l'œil sur moy, et quand je la regardois elle devenoit un peu rouge.

GASTER

De quel âge est-elle?

DIEGHOS.

D'environ seize ans.

GASTER

Vous enquistes-vous poinct oii elle se tient ?

DIEGHOS.

Ouy, et me dict-on que c'est là auprès d'où nous estions, en la mesme rue.

GASTER

Et où estoit-ce?

DIEGHOS.

Près de l'église Nostre-Dame.

GASTER

A ! c'est ceste-là pour vray qui parloit de vous tant honorablement; je cogneu bien aussi qu'elle estoit férue ', que c'estoit amour qui luy laisoit proférer ces parolles.

Je le pense.

GASTER

Il est ainsi...

DIEGHOS.

C'est quelquefois grand peine d'estre si aymable : car on n'est que trop pressé, et ne sçauroit-on départir son amour en tant de lieux.

GASTER

Vous y fourniriez bien, Monsieur, si n'cstoit la seignore Angélique, qui vous ayme tant qu'elle vous veut tout pour elle.

DIEGHOS.

Mais comme est-il possible que deux choses si contraires puissent estre si bien en moy, et que je les conduise si dextrement qu'on ne sçauroit dire en laquelle je suis plus excellent?