I.OYS

Je me suis advisé d'un de qui vous ne penseriez point.

AUGUSTLV.

Et qui ?

LOYS

Le jeune Neapolitain, qui est eschollier et se tient avec vostre jeune frère au collège des Lombards *.

AUGUSTIN

Qui ? le seigneur Camille ?

LOYS

Ouy.

AUGUSTIN

Et que peut-il faire pour moy? il est eschollier, il est estranger et loin de son païs.

LOYS

Vous l'avez quelquefois secouru d'argent et de dras de soye pour l'amour de vostre frère, et luy avez faict bonne chère chez vous.