SCÈNE I

Le seigneur AUGUSTIN, seul.

Loys tarde beaucoup à venir. J'ay peur qu'il n'aye point trouvé le sieur Camille, ou qu'il ne voyc plus de difficulté à mon affaire qu'il ne pensoit. J'y pouvois bien aller en personne : il n'est si bon messager que soy-mesme. Cela me touche trop; je ne sçay où aller, et si ne puis arrester en un lieu, tant j'ay de trouble en ma teste. Si la fortune ne m'apporte quelque bonne rencontre, j'ai grand peur que la chance se pourra bien tourner : car, tant plus je pense aux propos que Loym s'a tenuz, plus j'entre en diverses pensées, tan tost m'asseurant, tantost me défiant. Je ne sçay à la fin que ce pourra estre. Il est noble, il est riche et libéral, il l'ayme bien fort; elle est femme, hors de son pays, mal pourveue; et quand je dy femme, ce mot-là s'estend bien loin : ce me sont autant d'espines aux pieds et de poinçons dans le cœur,