ACTE IV, SCENE Vf

De nous deux elle a eu pityé.

« Ah Corbon dcsioyal et traistre,

« Dict elle, ore fais-tu paroistre

« Des hommes la fidélité.

« 0 ciel contre moy irrité !

« Et toy du beau jour la lumyere

« Qui semblés fermer ta paupière

« Pour ne voir ce desloyal faict

« Qui recompense mon bien faict,

« A tout le moins vange l'injure

« Que je reçoyde ce parjure.

« Tu ne chantois, traistre imposteur,

« Que d'un mariage futeur,

« Pourtant tu m'as (ha esperdue)

« Prodigieusement vendue.

« Est-ce l'heur que j'atten de toy?

« Est-ce, meschant, est-ce la foy

« Que tu m'as tant de fois jurée?

« Tu vois comme estoit asseurée

« Ton amour en cet animal : »

Mais, dy-je, en effaçant le mal,

Que t'a faict cette meschante ame,

j'atteste maintenant la flame

Qui premier embraza mon cœur

Quand ton œil en fut le vaincueur.

Qu'à jamais, quoy qu'il en advienne^

Ta volonté sera la mienne.

Qu'un mariage bien-heureux

Fera un seul corps de nous deux;

Que tu me seras aussi chère

Que l'œil couvert soubs ma paulpiere.

Et que cette nostre union

JN'aura jamais division.

En ce poinct ma doulce parole

Si bien ma mignonne console,

Que je l'estime désormais

Estre ma femme pour jamais.

FINKT.

Oh! comme je crains la colère Irritée de vostre père !

SOBRIN

Rien, Finet, plustost il te faut En cette matière estre caut *,