ACTE IV, SCÈNE I

ce que vous luy dites à l'oreille sont autant de secrets que vous me cachez, et avoir vostre conversation en mon absence, c'est s'enrichir de mes pertes. Si vous n'y prenez garde, il desrobera vos bonnes grâces, car c'est le plus meschant homme qui vive aujourd'hui soubs le ciel. Je voy bien, Clorinde, qu'il faut que je vous détrompe et que je fasse l'histoire de celuy que vous prenez pour un si honneste homme; il faut que vous croyez qu'il y a si longtemps qu'il faict du mal qu'il ne se sçauroit souvenir luy-mesme du temps de son innocence, et il a tellement appris dans le mestier de la guerre les vices quiy sont communs, qu'aujourd'huy mesme, en pleine paix, il ne pardonne ny à âge ny à sexe. Ne pensez pas pourtant qu'il soit aussi grand guerrier qu'il se faict, et, si parfois vous le voyez blessé au visage, ne croyez pas que ce soient les marques de quelque combat oià il ayt faict paroistreson courage : ce sont seulement les esgraligneures de quelque maistresse. Il a toutes les passions et tous les desseins d'un tyran, il ne luy en manque que la puissance pour les exécuter; et, si le temps l'avoit chargé d'années et des incommoditez de la vieillesse, je crois qu'il voudroit encores voir avec des lunettes les choses que les honnestes gensfuyent, et se faire porter aux lieux où il ne pourroit pas aller luy-mesme honnestement. En somme, comme il y a des peintures qu'il faiidroit effacer pour en osier les défauts, aussi il n'y a que la mort seule qui puisse mettre fin à toutes ses ordures, et je croy fermement qu'il auroit besoin d'un jubili'' qui ne fust que pour luy seul, et qu'il faudroit mettre tout un diocèse en prièresetordonnerpour luy un jeusne public, ne plus ne moins que si on avoit à demander au ciel la conversion du grand Turc. Après tout cela il joue et despense comme s'il esloit roy de la Chine. Pour ce qui concerne l'ame et l'esprit, il est si despourveu des biens estrangers que personne ne sçauroitestre sçavant que des choses qu'il ignore; il ne se trouve jamais aux assemblées où on se rend homme de bien par l'ouye, et la prière de la pensée, mesme la plus courte, luy est une si grande corvée que s'il avoit à faire le voyage de Lorette ou celuy de Nostre-Dame de Montserrat. Il est, outre cela, si inconstant dans sa

religion, qu'il ne s'arresle pas tousjours à ce qu'il en a appris de sa mère et de sa nourrice, et ne st; veut pas contenter du Dieu de ses pères, aussi bien ([ue de leur terre et de leur soleil. Bref, qui le cognoistra parfaitement comme je lais le prendra tousjours pour quelau'un de ces faux prophèt(;s dont la vieillesse de l'Eglise est menacée, et, s'il n'estoit né pauvre (comme il est), je le prendrois pour celuy qui doit venir avec des armées troubler le monde et à qui les démons gardent tous les trésors qui sont cachés soubs la terre; car ses fautes ne sont pas purement humaines, et le commerce ne devroit pas estre permis avec luy, ni sa conversation tolérée par les loix. Pour moy, je ne suis point de ceux-là gui estudieut les moindres actions de leur vie et qui apportent de l'art à tout ce qu'ils font et à tout ce qu'ils ne font pas; je ne sçaurois prendre cet accent avec lequel ils donnent del'authorité à leurs sottises; je sçay encores moins cacher mes deffauts et faire le personnage d'un homme de bien si je ne l'estois pas, et, s'il y a quelque bonne qualité en moy, elle paroist si peu au dehors qu'il faudroit m'ouvrir l'eslomach pour la trouver. Je dis c^ en sa considération, parce qu'il a de coustume de faire plus de bruit que d'effect.

CLORINDE

Il ne faut pas plustost croire aux paroles de l'envie et de ses ennemis qu'aux actions mesme du Paladin : il ne suffit pas d'accuser un homme de bien pour le rendre du tout meschant.

LE DOCTEUH.

Madamoiselle, asseurez-vous que je ne vous ay dit que la moitié de la vérité. Mais voicy Monsieur vostre père : il faut que je me prépare de reciter ce grand discours que j'ay fait par son commandement et dont il a si fort loué les premières lignes.

PANTALON

Eh bien, Monsieur le docteur, estes-vous prest?

LE DOCTEUR

Ouy, Monsieur; vous n'avez qu'à me prester l'oreille, je m'en vay vous dire de grandes choses.