ACTE V, SCENE I

que lieu tous deux ensemble, et n'en partez point que vous n'y fassiez un tiers. Vous estes tous deux: en un aage où vous pouvez vous donner contentement, et en recevoir l'un de l'autre. N'ayez crainte de faire, comme vostre voisin, des muets, des borgnes et des monstres, mais faictes-moy des enfans qui ne soient pas assez meschans pour désirer vostre mort, qui ayent assez de sagesse et de patience pour l'attendre, voire qu'ils soient si gens de bien que jamais ils n'y songent. C'est toy, brave Paladin ! employé bien ce corps capable d'envoyer des colonies en toutes les parties du monde, et de remplir les terres qui sont les plus désertes. Imite en cela ce grand Hercules, aussi bien qu'en tes autres exploits, ce grand dompteur de monstres, dis-je, ou plustost ce grand abateur de bois, qui en une nuict fut cinquante fois gendre de son hoste ; monstre-toy cinquante fois mary de ta maisLresse, et te souviens que la nuit a ses plaisirs aussi bien que le jour.