SCÈNE IV

EMILIE

Oste-moy ta présence importune, Qui dans ceste contrainte accroist mon inloi-tunc. Soupire donc, mon cœur, soupire en liberté. Pleurez, mes tristes yeux, et perdez la clarté. Puis que vostre soleil luy-mesme l'a perdue, Sans espoir que jamais elle luy soit rendue. Clair soleil de mes jours par la mort endormy, Dans îe rouge Océan du sang qu'il a vomy; L'apuy de la vertu, l'honneur de l'Italie, Le phœnix des amans et l'espoir d'Emilie En la fin de Camille ont rencontré la leur. 0 beau nom qui n'aguere enchanloit ma douleur. Et par qui maintenant ma douleur se renflanie. Que d'effets differens tu causes dans mon ame! Camille, il est donc vray que tu me sois ravy, Sans t'avoir pu deffendre, ou sans t'avoir suivy? Et je sçay toulesfois que j'ay fourny l'espée. Qui de tes jeunes ans a la trame coupée. Cet amour que pour toy je conceus éternel, Luy seul, quoy qu'innocent, t'a rendu criminel. Delà vint la secrette et forte jalousie Qui d'un brutal espoux troubla la fantaisie : De sorte que sa haine, et mon funeste amour, Ont travaillé tous deux à te priver du jour. Ce sont de tes effects, exécrable vipère. Qui picques en naissant ton misérable père. Monstre de jalousie, à qui cent yeux au front Ne font pas voir encor les objects comme ils sont. Mais quoy î les passions, de supplice incapables,